बीकानेरम्/जयपुरम्, २४ सितम्बरमासः (हि.स.)। मुख्यमन्त्री भजनलालशर्मा अवदत् यत् प्रधानमन्त्रिणः नरेन्द्रमोदिनः मार्गदर्शने राजस्थानप्रदेशे विकासस्य नूतनाः आयामाः स्थापिताः भवन्ति। सेवा, अनुशासनं, करुणा, सामाजिकदायित्वस्य भावना च जनसामान्यं प्रति प्रसारयितुम् उद्दिश्य सप्तदशसितम्बरतः सप्तदशअक्टोबरपर्यन्तं सेवासङ्कल्पयात्रायाः आयोजनं क्रियते। एषा यात्रा वडनगरतः वाराणसीपर्यन्तं प्रधानमन्त्रिणः सेवासङ्कल्पं अग्रे नेतुं माध्यमं भवति।

मुख्यमन्त्री गुरुवासरे बीकानेरनगरे सेवासङ्कल्पकार्यक्रमस्य अन्तर्गतं आयोजितायाः द्विचक्रिकावाहनयात्रायाः प्रतिभागिभिः सह प्रधानमन्त्रिणः नरेन्द्रमोदिनः आभासीयसंवादे सम्मिलितवान्। सः अवदत् यत् प्रधानमन्त्रिणः सार्वजनिकजीवनस्य पञ्चविंशतिवर्षाणि सेवायै समर्पितानि सन्ति। एतमेव सेवाभावं समाजस्य प्रत्येकस्मिन् वर्गे प्रसारयितुं यात्रायाः आयोजनं कृतम् अस्ति।

मुख्यमन्त्री बीकानेरं प्राप्तैः द्विचक्रिकावाहनयात्रायाः प्रतिभागिभिः सह संवादं कृत्वा तेषां यात्रानुभवान् ज्ञातवान्। सः कलशयात्रां तथा वडनगरतः वाराणसीं प्रति गच्छन्तीं द्विचक्रिकावाहनयात्रां च प्रस्थापितवान्। सः वृक्षारोपणं कृत्वा पर्यावरणसंरक्षणस्य सन्देशमपि दत्तवान्।

मुख्यमन्त्री अवदत् यत् प्रधानमन्त्रिणा ‘बेटी बचाओ, बेटी पढ़ाओ’, ‘स्वच्छ भारतम्’ तथा ‘एकः वृक्षः मातुः नाम्ना’ इत्यादीनां अभियानानां माध्यमेन सामाजिकसरोकारेभ्यः नूतना गतिः प्रदत्ता अस्ति। राजस्थानप्रदेशेऽपि एतेभ्यः प्रेरितं भूत्वा ‘हरियालो राजस्थानम्’ इत्यभियानं सञ्चाल्यते। अस्य अन्तर्गतं पञ्चवर्षेषु पञ्चाशत्कोटिवृक्षाणां रोपणस्य सङ्कल्पः कृतः अस्ति तथा अद्यावधि अष्टाविंशतिकोटिवृक्षाः रोपिताः सन्ति।

अस्मिन्नेव कार्यक्रमे प्रधानमन्त्रिणा नरेन्द्रमोदिना सेवासङ्कल्पयात्रायाः प्रतिभागिभिः सह आभासीयसंवादः कृतः। सः अवदत् यत् भारते यात्रा सेवा च उभे सामाजिकसंस्कारैः सह सम्बद्धे स्तः। एतादृश्यः यात्राः करुणां, विनयम् अनुशासनं च शिक्षयन्ति। ग्रामाः कस्बाश्च ज्ञानस्य समाधानस्य च समृद्धकेन्द्राणि सन्ति। एकस्य ग्रामस्य प्रयोगः अन्यस्य ग्रामस्य कृते उपयोगी भवितुम् अर्हति तथा एकस्य युवानः समाधानम् अन्यस्य युवानः शक्तिः भवितुम् अर्हति।

प्रधानमन्त्रिणा युवानः विकसितभारतस्य निर्मातारः इति कथयित्वा उक्तं यत् द्विसहस्रसप्तचत्वारिंशत्तमवर्षपर्यन्तं विकसितभारतस्य निर्माणे युवाशक्तेः महत्त्वपूर्णा भूमिका भविष्यति। युवभिः देशं ज्ञातुं, विभिन्नैः सामाजिकवर्गैः सह मिलितुं तेषाम् आकाङ्क्षाः च ज्ञातुं आवश्यकता अस्ति। सः अवदत् यत् सेवाभावेन कृतं प्रत्येकं कार्यं दीर्घकालपर्यन्तं स्मरणीयं भवति।

संवादस्य समये प्रधानमन्त्रिणा ब्यावरनगरस्य डॉ. देवाङ्ग्या तथा डेगानानगरस्य हर्षवर्धनसिंहेन कुलदीपेन च सह वार्तालापं कृत्वा यात्रायाः अनुभवान् ज्ञातः। राजस्थानप्रदेशे वृक्षारोपणस्य समये वृक्षस्य समीपे घटं भूमौ स्थापयितुं प्रधानमन्त्रिणा सुझावः दत्तः, येन जलस्य संरक्षणेन सह वृक्षाय पर्याप्ता आर्द्रता प्राप्तुं शक्नुयात्।

प्रधानमन्त्री अवदत् यत् जनसेवया देशसेवेत्येव तस्य मन्त्रः अस्ति तथा जनानाम् आशीर्वादः तस्य सर्वाधिकं शक्तिस्रोतः अस्ति। सः अवदत् यत् सेवा एव महान् धर्मः अस्ति तथा एतस्य भावस्य आधारेण नागरिकान् केन्द्रे स्थापयित्वा नीतयः योजनाश्च अग्रे प्रवर्तन्ते।

मुख्यमन्त्री अवदत् यत् प्रधानमन्त्रिणः नेतृत्वे युवानां, महिलानां, कृषकाणां श्रमिकाणां च सशक्तीकरणे बलं दीयते। राजस्थानप्रदेशः विद्युत्क्षेत्रे आत्मनिर्भरत्वस्य दिशि अग्रे गच्छति। सः अवदत् यत् राज्यसम्बद्धानां विविधजलपरियोजनानाम् अपि गतिः वर्धिता अस्ति। कार्यक्रमे खाद्यनागरिकापूर्तिमन्त्री सुमितगोदारा, विधायकाः, जनप्रतिनिधयः तथा बहुसंख्याकाः सामान्यजनाः उपस्थिताः आसन्।

---------------

Hindusthan Samachar / Dheeraj Maithani