रायबरेली, 24 सितम्बरमासः (हि. स.)। समाजवादीपार्टी इत्यस्य राष्ट्रियाध्यक्षः अखिलेशयादवः गुरुवासरे रायबरेलीं गच्छति। तस्य आगमनात् पूर्वमेव नगरे स्थापिताः समाजवादीपार्टीसम्बद्धाः पोस्टराः चर्चायाः विषयाः अभवन्। वस्तुतः गुरुवासरे सम्पूर्णनगरे अखिलेशयादवं ‘श्रीकृष्णस्य’ स्वरूपे प्रदर्शयन्तः पोस्टराः स्थापिताः, येषां विषये बहु चर्चा प्रचलति।

एतेषु फलकेषु समाजवादीपार्टीप्रमुखः अखिलेशयादवः भगवान् ‘श्रीकृष्णस्य’ स्वरूपे प्रदर्शितः अस्ति। तत्र लिखितम् अस्ति, ‘हे माधव! भवतः सुदामायाः भूमौ रायबरेलीनगरे स्वागतं भवतु।’

उल्लेखनीयं यत् समाजवादीपार्टीस्य अध्यक्षः अखिलेशयादवः पीडीए-रथेन रायबरेलीं प्राप्स्यति। एषा तस्य पीडीए-यात्रायाः अनौपचारिकः प्रारम्भः इति मन्यते। तथापि पार्टीनेतारः कथयन्ति यत् पीडीए-रथयात्रायाः कार्यक्रमः अक्टोबरमासे प्रकाशितः भविष्यति।

अखिलेशयादवः रायबरेलीनगरे हरचन्दपुरविधानसभाक्षेत्रस्य विधायकस्य राहुललोडेः गृहे चायपानं करिष्यति। ततः जीआईसी-क्रीडाङ्गणे आयोजितां जनसभां सम्बोधयिष्यति। तदतिरिक्तं दलकार्यकर्तृभिः सह बैठकस्य कार्यक्रमः अपि प्रस्तावितः अस्ति।----------------

Hindusthan Samachar / Dheeraj Maithani