Enter your Email Address to subscribe to our newsletters
भागलपुर, 24 सितंबरमासः (हि.स.)। भागलपुरे शारदीयनवरात्रस्य दुर्गापूजायाश्च आयोजनं प्रति सज्जताः युद्धस्तरे प्रचलन्ति। अस्मिन् वर्षे बरारी हाउसिङ्ग बोर्ड् कॉलोनीस्थिता ‘वैष्णवी दरबार दुर्गापूजासमितिः’ श्रद्धालूनां कृते विशेषाकर्षणं सज्जीकरोति।
समित्या अस्मिन् वर्षे भगवान् श्रीकृष्णस्य अलौकिकलीलाम् आधारीकृत्य प्रायः ७० पादोन्नतं भव्यं मण्डपं निर्माप्यते। अस्य मण्डपस्य प्रमुखा विशेषता अस्ति यत् अस्य निर्माणस्य माध्यमेन समाजे साम्प्रदायिकसौहार्दस्य भ्रातृभावस्य च अद्वितीया उदाहरणं प्रस्तूयते।
मण्डपस्य अन्तिमरूपप्रदानाय पश्चिमबङ्गस्य मालदातः मुस्लिमसमुदायस्य पञ्च कुशलाः शिल्पिनः भागलपुरं प्राप्तवन्तः। मण्डपस्य अन्तर्भागे भगवान् श्रीकृष्णस्य बाल्यकालात् युवावस्थापर्यन्तं विविधाः प्रसङ्गाः लीलाश्च त्रिविमीयकलाकृतीनां माध्यमेन सजीवरूपेण प्रदर्शयिष्यन्ते। मण्डपस्य मुख्यभागस्य पुरतः भगवान् श्रीकृष्णस्य भव्यप्रतिमा स्थापयिष्यते, तस्याः ठीक् उपरि भ्रममाणं सुदर्शनचक्रं श्रद्धालूनां कृते मुख्याकर्षणस्य केन्द्रं भविष्यति।
शिल्पिभिः प्रायः दशतः पञ्चदशदिनपूर्वमेव अस्याः विशालसंरचनायाः निर्माणकार्यं प्रारब्धम् अस्ति। आगामी ४ अक्टोबर् दिनाङ्कपर्यन्तं मुख्यनिर्माणकार्यं पूर्णं कर्तुं लक्ष्यं निर्धारितम् अस्ति।
गङ्गाजमुन्याः संस्कृतेः भावं प्रकटयन् मुख्यशिल्पी अफजलः अवदत्, “अस्माकं उत्सवाः भिन्नाः भवितुम् अर्हन्ति, किन्तु समाजे वयं सर्वे मिलित्वा परस्परं सह वासं कुर्याम। हिन्दुसमुदायस्य मुस्लिमसमुदायस्य च जनाः परस्परस्य उत्सवेषु उत्साहेन सहभागिनः भवेयुः, एतदेव सच्चे भ्रातृत्वस्य परिचायकम् अस्ति। वयं पूर्णश्रद्धया अस्य मण्डपस्य निर्माणकार्यं कुर्मः।”
निर्माणदलस्य सदस्यः शिल्पी च मोहम्मद तौफीक् स्वकीयभावनां प्रकटयन् अवदत्, “कलायाः कश्चित् धर्मः न भवति। मातुः दुर्गायाः अस्मिन् पावने प्राङ्गणे श्रीकृष्णस्य लीलानां स्वरूपप्रदानम् अस्माकं कृते गौरवस्य विषयः अस्ति। यदा जनाः अस्य मण्डपस्य सौन्दर्यं कलां च द्रक्ष्यन्ति, तदा ते अस्माकं हस्तयोः परिश्रमस्य सह परस्परस्नेहस्य सन्देशमपि तत्र द्रक्ष्यन्ति।”
समित्याः मेढपतिः गजेन्द्रसिंहः अवदत् यत् बरारी हाउसिङ्ग बोर्ड् कॉलोनीक्षेत्रे १९८८ तमवर्षात् निरन्तरं दुर्गापूजायाः भव्यः आयोजनः क्रियते। सः अवदत्, “अस्मिन् वर्षे वयं ‘कृष्णलीला’ इति विशेषविषयं स्वीकृतवन्तः। अस्माकं उद्देश्यं धार्मिकस्य आध्यात्मिकस्य च आकर्षणस्य सह समाजाय एकतायाः सामाजिकसौहार्दस्य च सुदृढं सन्देशं प्रदातुम् अस्ति। मालदातः आगताः शिल्पिनः अहोरात्रं परिश्रमं कृत्वा अस्य भव्यस्य मण्डपस्य स्वरूपं निर्मान्ति।”
---------------
Hindusthan Samachar / Dheeraj Maithani