Enter your Email Address to subscribe to our newsletters
कोलकाता, २४ सेप्टेम्बरमासः (हि.स.)। स्वातन्त्र्यसङ्ग्रामस्य वीराङ्गनायाः प्रीतिलता वाद्देदारस्य आत्मबलिदानदिवसे पश्चिमबङ्गस्य मुख्यमन्त्री शुभेन्दु-अधिकारी तस्यै श्रद्धाञ्जलिम् अर्पितवान्। मुख्यमन्त्रिणा गुरुवासरे प्रातः समाज-माध्यमे सन्देशं प्रकाश्य प्रीतिलता वाद्देदारायै नमनं कृतम्।
मुख्यमन्त्रिणा स्वीयसन्देशे लिखितम्— “स्वातन्त्र्यसङ्ग्रामस्य वीराङ्गनायाः प्रीतिलता वाद्देदारस्य आत्मबलिदानदिवसे विनम्रा श्रद्धाञ्जलिः।”
प्रीतिलता वाद्देदारस्य जन्म ५ मे-मासे १९११ तमे वर्षे चटग्रामे अभवत्। सा ढाकानगरस्य ईडेन-महाविद्यालये तथा कोलकाता-नगरस्य बेथुन-महाविद्यालये च शिक्षां प्राप्तवती। अनन्तरं सा सूर्यसेनस्य नेतृत्वे सञ्चाल्यमाने क्रान्तिकारीसङ्गठने सम्मिलिता। २३ सेप्टेम्बरमासे १९३२ तमस्य वर्षस्य रात्रौ चटग्रामस्य पहाड़तली-यूरोपियन-क्लब् इत्यत्र क्रान्तिकारी-अभियानस्य नेतृत्वं सा कृतवती। अस्मिन् अभियानसमये आहताभूत्वा निग्रहणात् आत्मानं रक्षितुं सा विषस्य सेवनं कृतवती। २४ सेप्टेम्बरमासे १९३२ तमे वर्षे एकविंशतिवर्षीयायां वयसि तस्याः निधनम् अभवत्।
प्रीतिलता वाद्देदारं भारतीयस्वातन्त्र्य-आन्दोलने साहसस्य बलिदानस्य च कृते स्मर्यते। भारतसर्वकारस्य ‘स्वातन्त्र्यस्य अमृतमहोत्सवः’ सम्बन्धिषु अभिलेखेष्वपि तस्याः उल्लेखः बङ्गालस्य क्रान्तिकारी-आन्दोलने महत्त्वपूर्णां भूमिकां निर्वहन्त्याः महिलायाः रूपेण कृतः अस्ति।
Hindusthan Samachar / Divya Ranjan