कोलकाता, 03 सितंबरमासः (हि. स.)।

दुर्गापूजायाः अनन्तरं कदापि राज्ये नगरनिगम-नगरपालिकानिर्वाचनानि आयोजयितुं शक्यन्ते। एतद्विषये राज्यस्य निर्देशानुसारं कोलकातानगरे स्थिते निर्वाचनायोगस्य कार्यालये बुधवासरे सायंकाले उच्चस्तरीया आभासीयसभा आयोजिता। राज्यनिर्वाचनायुक्तस्य कृष्णागुप्तायाः अध्यक्षतायां सम्पन्नायां सभायां स्पष्टतया उक्तं यत् पूजायाः पूर्वमेव निर्वाचनसम्बद्धाः सर्वाः सज्जताः पूर्णाः क्रियन्ताम्।

न केवलम् एतत्, अपि तु स्वतन्त्रं शान्तिपूर्णं च नगरनिकायनिर्वाचनं कर्तुं कियत्संख्यायां पुलिसबलस्य आवश्यकता भविष्यति, एतद्विषये राज्यनिर्वाचनायोगेन षड्जिलानां जिलाधिकारिभ्यः सूचनाः अपि याचिताः सन्ति।

अस्यां महत्त्वपूर्णसभायां दार्जिलिङ्ग, कालिम्पोङ्ग, जलपाईगुड़ी, दक्षिणचतुर्विंशतिपरगणा, हावड़ा तथा पूर्वमेदिनीपुरस्य जिलाधिकारिणः, जनपद-नगरनिर्वाचनाधिकारिणश्च भागं गृहीतवन्तः।

आयोगस्य सूत्राणामनुसारं सभायां मुख्यरूपेण नगरक्षेत्राणां नवीनसीमानिर्धारणप्रक्रियायाः, आसनानां आरक्षणस्य, ईवीएम-प्रबन्धनस्य, अन्तिममतदातृसूच्याः निर्माणस्य, मतदानकेन्द्राणां चयनस्य तथा पर्याप्तसंख्यायां मतदानकर्मचारिणां नियुक्तेः सम्बन्धितव्यवस्थायाः समीक्षा कृता।

यद्यपि राज्यविधानसभानिर्वाचने प्रयुक्ताभिरेव ईवीएम-मशीनभिः नगरनिकायनिर्वाचनानि करिष्यन्ते उत नवीनप्रौद्योगिकीयुक्ताः ईवीएम-मशीनाः आनयिष्यन्ते, एतद्विषये अद्यापि कोऽपि अन्तिमनिर्णयः न कृतः।

ईवीएम-मशीनानां उपलब्धतायाः आधारेण राज्यस्य सर्वासु लम्बितनगरपालिकासु एकस्मिन्नेव दिने मतदानं भविष्यति उत निर्वाचनानि बहुषु चरणेषु भविष्यन्ति, एतद्विषये अपि अस्यां प्रारम्भिकसभायां निश्चितः निर्णयः न अभवत्।

यासु महत्त्वपूर्णासु नगरपालिकासु नगरनिगमेषु च निर्वाचनानि लम्बितानि सन्ति, तेषु पञ्च प्रमुखनगरनिगमाः सन्ति। तेषु कोलकाता, हावड़ा, विधाननगर, दुर्गापुर तथा सिलीगुड़ी प्रमुखाः सन्ति।

उत्तरबङ्गाले पर्वतीयक्षेत्रेषु च कर्सियाङ्ग, मिरिक, कालिम्पोङ्ग, रायगञ्ज, बुनियादपुर तथा धूपगुड़ी इत्येतेषु अपि निर्वाचनानि लम्बितानि सन्ति। तदतिरिक्तं बाली, डोमकल, पुजाली, पांशकुड़ा, हल्दिया, नदियास्थितं कूपर्स-कैम्प तथा नलहाटी इत्यादिषु बहुषु अन्यनगरनिकायेषु अपि निर्वाचनानि करणीयानि सन्ति।

यद्यपि अस्यां सभायां निर्वाचनकार्यक्रमस्य प्रारूपसम्बद्धाः केचन महत्त्वपूर्णाः समयसीमाः निर्धारिताः सन्ति। आयोगस्य सूत्राणामनुसारं आगामीसितम्बरमासस्य मध्यपर्यन्तम् आसनानाम् आरक्षणस्य प्रारम्भिकसूची प्रकाशितुं शक्नोति।

तदनन्तरं प्राप्तानाम् सर्वासाम् आपत्तीनां समीक्षा करिष्यते तथा च अक्टोबरमासस्य अन्तिमसप्ताहपर्यन्तम् आरक्षणस्य अन्तिमसूची सज्जीकर्तुं लक्ष्यं निर्धारितम् अस्ति।

---------------

Hindusthan Samachar / Dheeraj Maithani