पूर्वी सिंहभूमः, 03 सितंबरमासः (हि.स.)।

टाटा-स्टील-कर्मचारिणां वार्षिक-बोनसस्य विषये गुरुवासरे प्रबन्धनस्य टाटा-वर्कर्स-यूनियनस्य च मध्ये सम्झौतो जातः। कम्पनी-प्रबन्ध-निदेशक-सह-मुख्य-कार्यकारी-अधिकारी टी.वी. नरेन्द्रन् तथा टाटा-वर्कर्स-यूनियनस्य अध्यक्षः सञ्जीव-चौधरी ‘टुन्नु’ इत्यादीनां पदाधिकारिणां उपस्थितौ सम्पन्ने सम्झौते वित्तीयवर्षस्य २०२५-२६ कृते कर्मचारिभ्यः कुलं ३१५ कोटिरूप्यकाणि बोनस-रूपेण प्रदास्यन्ते। सम्झौतापत्रे प्रबन्धनस्य यूनियनस्य च प्रतिनिधिभिः हस्ताक्षराणि कृतानि।

अस्मिन् वर्षे बोनसस्य राशिः गतवर्षस्य तुलनया ११.८८ कोटिरूप्यकाणि अधिका अस्ति। वित्तीयवर्षे २०२४-२५ कर्मचारिभ्यः ३०३.१२ कोटिरूप्यकाणि बोनस-रूपेण प्राप्तानि आसन्। अस्मिन् वर्षे निर्धारितसूत्रानुसारं बोनसस्य गणना ३१४.५३ कोटिरूप्यकाणां जाता, यां वर्धयित्वा ३१५ कोटिरूप्यकाणि कृता।

कम्पन्याः विभिन्नेषु एककेषु कार्यरताः कुलं २५,६०३ कर्मचारिणः अस्य बोनसस्य परिधौ आगमिष्यन्ति।

सम्झौतानुसारं जमशेदपुरस्य एककेषु, ट्यूब्स्-एककं सहितं, कार्यरताः ११,०२१ कर्मचारिणः मध्ये १६३.८५ कोटिरूप्यकाणि बोनस-रूपेण वितरिष्यन्ते। एतेभ्यः कर्मचारिभ्यः औसतेन १,४८,६७५ रूप्यकाणि बोनस-रूपेण प्राप्स्यन्ते। पुरातन-वेतनमानयुक्तानां कर्मचारिणां कृते वास्तविक-उपस्थितेः आधारेण अधिकतमं बोनस-राशिः ४,५२,५१२ रूप्यकाणि यावत् भविष्यति। अपरत्र एन.एस.-ग्रेड्-वर्गस्य कर्मचारिभ्यः अधिकतमं १,२८,४४८ रूप्यकाणि तथा पूर्णोपस्थितेः स्थितौ न्यूनतमं ३९,०१६ रूप्यकाणि बोनस-रूपेण प्राप्स्यन्ते।

बोनसस्य राशिः कम्पन्याः शुद्धलाभस्य, विक्रययोग्य-इस्पातस्य उत्पादनस्य, लाभप्रदतायाः, उत्पादकताकोत्पादनस्य तथा सुरक्षायाः इत्यादीनां मानदण्डानाम् आधारेण निर्धारिताऽस्ति। वर्षे २०२५-२६ भारते टाटा-स्टील इत्यस्य परिचालनेभ्यः असाधारण-मदेषु समायोजनं कृत्वा शुद्धलाभः ११,०३५.२४ कोटिरूप्यकाणि अभवत्। विक्रययोग्य-इस्पातस्य उत्पादनं १.६११ कोटि-टन-परिमितं तथा कच्चे इस्पातस्य उत्पादनं १.७२६ कोटि-टन-परिमितं अभिलेखितम्।

उत्पादकता प्रतिकर्मचारि प्रतिवर्षं ६७४.२ टन् कच्चम् इस्पातम् इति आसीत्, यदा तु सुरक्षा-सूचकाङ्कः ०.३९ एल.टी.आई.एफ.आर. इति अभवत्।

अस्य बोनस-सहमतेः लाभः जमशेदपुरस्य अतिरिक्तं टिनप्लेट्, तार-कम्पनी, कलिङ्गनगरम्, टिस्को-ग्रोथ-शॉप्, खनिभिः कोलियरीभिः च सह कम्पन्याः अन्येषु एककेषु कार्यरतैः पात्र-कर्मचारिभिरपि प्राप्स्यते। सहमतौ सम्पन्नायां सत्यां कर्मचारिषु हर्षस्य वातावरणं वर्तते।

---------------

Hindusthan Samachar / Dheeraj Maithani