Enter your Email Address to subscribe to our newsletters
भोपालम्, ०३ सेप्टेम्बरमासः (हि.स.)। मध्यप्रदेशस्य मुख्यमन्त्री डॉ. मोहन यादवः अद्य गुरुवासरे गुजरातस्य एकदिवसीय-प्रवासे भविष्यति। अस्मिन् प्रवासे सः जामनगरे स्थानीयकार्यक्रमे सहभागं करिष्यति तथा द्वारकां प्राप्य प्रसिद्धे द्वारकाधीशमन्दिरे पूजां दर्शनं च करिष्यति।
निर्धारितकार्यक्रमानुसारं मुख्यमन्त्री डॉ. यादवः गुरुवासरे प्रातः प्रायः १०.३० वादने जामनगरं प्राप्स्यति तथा स्थानीयकार्यक्रमे सहभागं करिष्यति। ततः सः प्रातः ११.१५ वादने प्रसिद्धं द्वारकाधीशमन्दिरं प्राप्य दर्शन-पूजनं करिष्यति। अनन्तरं मध्याह्ने १२.३० वादने नागेश्वरमार्गस्थितं विरम्भा आशा माणेक् परोपकारी न्यासस्य गोशालां गमिष्यति तथा स्थानीय-कार्यक्रमेषु भागं ग्रहीष्यति।
आदिवसस्य व्यस्तकार्यक्रमानन्तरं मुख्यमन्त्री यादवः रात्रौ ८.१० वादने भोपालं प्रत्यागमिष्यति।
Hindusthan Samachar / Divya Ranjan