Enter your Email Address to subscribe to our newsletters
नव दिल्ली, 03 सितंबरमासः (हि.स.)।
प्रधानमन्त्री नरेन्द्रमोदी गुरुवासरे अत्र हैदराबाद-भवने बेल्जियम-प्रधानमन्त्रिणा बार्ट् डी वेवर-महोदयेन सह मिलितवान्। उभयोः नेतृणोः मध्ये द्विपक्षीयसम्बन्धानां विविधपक्षेषु तथा च प्रादेशिकेषु वैश्विकेषु च विषयेषु वार्ता प्रचलति।
ततः पूर्वं भारतं प्राप्तः बेल्जियम-प्रधानमन्त्री बार्ट् डी वेवर राजघाटं गत्वा राष्ट्रपिता महात्मागान्धिने श्रद्धाञ्जलिं समर्पितवान्। सः राजघाटे महात्मागान्धिनः समाधौ पुष्पाञ्जलिं समर्पितवान्।
डी वेवर त्रिदिवसीयायाम् आधिकारिकभारतयात्रायां बुधवासरे रात्रौ नवदिल्लीं प्राप्तवान्। तेन सह बेल्जियमस्य रक्षामन्त्री थियो फ्रैंकनः अपि भारतम् आगतवान्। फेब्रुवरी-मासे २०२५ तमे वर्षे पदभारं स्वीकृत्य प्रधानमन्त्रिरूपेण डी वेवर-महोदयस्य एषा प्रथमा भारतयात्रा अस्ति। नवदिल्ली-प्राप्तेः अनन्तरं रक्षाराज्यमन्त्री सञ्जयसेठः तस्य स्वागतं कृतवान्।
विदेशमन्त्रालयस्य अनुसारं डी वेवर-महोदयस्य यात्रायाः उद्देश्यं भारत-बेल्जियमयोः मध्ये विद्यमानां घनिष्ठां बहुआयामीं च साझेदारीं अधिकं सुदृढां कर्तुम् अस्ति। उभौ पक्षौ व्यापार-विनियोगयोः, रक्षासुरक्षयोः, प्रौद्योगिक्याः, नवीकरणीय-ऊर्जायाः, सम्पर्कस्य तथा जनानां परस्परसम्बन्धानां च क्षेत्रेषु सहयोगवर्धनविषये चर्चां करिष्यतः।
बेल्जियमस्य प्रधानमन्त्री भारत-यूरोपीय-सङ्घयोः मुक्तव्यापारसम्झौतेस्य सन्दर्भे भारतीय-उद्योग-संघेन आयोजिते व्यापारकार्यक्रमे मुख्यभाषणम् अपि दास्यति। ततः सः मुम्बईनगरं गमिष्यति, यत्र सः हीरक-, पत्तन-रसद्-क्षेत्रसम्बद्धैः हितधारकैः सह संवादं करिष्यति।
भारत-बेल्जियमयोः आर्थिकसम्बन्धेषु हीरकव्यापारस्य महत्त्वपूर्णं स्थानम् अस्ति। बेल्जियमस्य एण्ट्वर्प्-नगरं वैश्विकहीरकव्यापारस्य प्रमुखकेन्द्रेषु परिगण्यते। उभयोः देशयोः मध्ये २०२५-२६ तमे वर्षे द्विपक्षीयव्यापारः त्रयोदश-अरब-डॉलर्-मूल्याधिकः अभवत्।
---------------
हिन्दुस्थान समाचार / Dheeraj Maithani