Enter your Email Address to subscribe to our newsletters
नव दिल्ली, 03 सितंबरमासः (हि.स.)।
दिल्ली-लोकायुक्तस्य न्यायमूर्तेः हरीशचन्द्र-मिश्रस्य गुरुवासरे प्रातःकाले सफदरजङ्ग-चिकित्सालये निधनम् अभवत्। सः २३ मार्च २०२२ तमे वर्षे दिल्ली-लोकायुक्तस्य पदस्य शपथं गृहीतवान् आसीत्। मुख्यमन्त्रिणी रेखा गुप्ता इत्यनया सह दिल्ली-मन्त्रिमण्डलस्य मन्त्रिभिः अपि तस्य निधनस्य विषये दुःखं व्यक्तम्।
मुख्यमन्त्रिणी रेखा गुप्ता इत्यनया सामाजिकमाध्यमस्य ‘एक्स’ इत्यत्र प्रकाशिते सन्देशे उक्तं यत्, “दिल्ली-लोकायुक्तस्य न्यायमूर्तेः हरीशचन्द्र-मिश्रस्य निधनस्य समाचारः अत्यन्तं दुःखदः अस्ति। ईश्वरः दिवङ्गतात्मने शान्तिं प्रददातु तथा च तस्य परिजनान् शुभचिन्तकांश्च एतत् गहनं दुःखं सोढुं शक्तिं प्रददातु।”
दिल्ली-लोकनिर्माण-विभागस्य मन्त्री प्रवेशसाहिबसिंहः तस्य निधनस्य विषये दुःखं व्यक्तं कुर्वन् उक्तवान् यत् तस्य निधनं न्यायस्य जनसेवायाश्च क्षेत्रयोः अपूरणीया क्षतिः अस्ति। ईश्वरं प्रति प्रार्थना अस्ति यत् सः दिवङ्गतात्मानं स्वश्रीचरणेषु स्थानं प्रददातु तथा च शोकाकुलाय परिवाराय अस्मिन् कठिनसमये धैर्यं सम्बलं च प्रददातु।
दिल्ली-स्वास्थ्य-मन्त्री डॉ. पङ्कजकुमारसिंहेन तस्य निधनस्य समाचारः अत्यन्तं दुःखदः पीडादायकश्च इति कथितम्।
दिल्ली-पर्यावरण-मन्त्री मनजिन्दरसिंहसिरसाः तस्य निधनं न्यायजगतः समाजस्य च कृते अपूरणीया क्षतिः इति उक्तवान्। सिरसामहोदयेन उक्तं यत् न्यायस्य जनहितस्य च प्रति तस्य समर्पणं योगदानं च सदैव स्मरणीयं भविष्यति।
---------------
Hindusthan Samachar / Dheeraj Maithani