मथुरा, 03 सितम्बरमासः (हि.स.)। श्रीकृष्णजन्माष्टम्याः पावनावसरे ब्रजभूमौ श्रद्धालूनां तांता वर्तते। अस्मिन् सन्दर्भे बिहारस्य पूर्वमुख्यमन्त्री लालूप्रसादयादवस्य ज्येष्ठपुत्रः तथा पूर्वमन्त्री तेजप्रतापयादवः त्रिदिवसीयधार्मिकयात्रायै बुधवासरे सायंकाले मथुरां प्राप्तवान्। राजनीतिकचहलपहलात् दूरं ब्रजस्य वीथीषु तस्य अयं स्वरूपः पूर्णतया कृष्णभक्त्या रञ्जितः दृश्यते।

उल्लेखनीयं यत् तेजप्रतापयादवेन त्रिदिवसीयधार्मिकयात्रायाः प्रारम्भः बुधवासरे सायंकाले बरसानां प्राप्य कृतः। सः तत्र प्रसिद्धस्य सन्तस्य रमेशबाबोः माताजी-गोशालां गत्वा गोसेवां कृतवान् तथा सन्तानाम् आशीर्वादं प्राप्तवान्। ततः परं तेन तत्र महारासस्य दर्शनमपि कृतम्।

तेजप्रतापयादवस्य कृष्णप्रेम कस्यापि कृते गोपनीयं नास्ति। सः प्रायः मथुरा-वृन्दावन-बरसानयोः यात्रां कुर्वन् दृश्यते। कदाचित् सः वृन्दावनस्य कुञ्जवीथीषु भ्रमन् दृश्यते, कदाचित् च यमुनानद्यां नौकाविहारस्य आनन्दं लभते। उत्सवानाम् अवसरेषु सः पूर्णतया भक्तिभावेन निमग्नः दृश्यते। जन्माष्टम्याः अवसरे सः कृष्णभक्तौ लीनः भवति, अपरस्मिन् पक्षे महाशिवरात्रौ शिवस्य आराधनां कुर्वन्नपि दृश्यते।

स्वस्य अस्यां त्रिदिवसीययात्रायां तस्य ब्रजस्य अन्येषु प्रमुखमन्दिरेषु गत्वा भगवतः दर्शनं कृत्वा मस्तकं नत्वा प्रार्थनां कर्तुं कार्यक्रमः अस्ति।---------

Hindusthan Samachar / Dheeraj Maithani