हरिद्वारम्, ०३ सेप्टेम्बरमासः (हि.स.)। राष्ट्रियवॉलीबॉल-क्रीडास्पर्धायां सह-भागित्वा हरिद्वारस्य नाम राष्ट्रियस्तरे गौरवान्वितं कृतवतः युवा-वॉलीबॉल-क्रीडकस्य हिमांशुः थपलियालस्य कनखले सम्माननं कृतम्।

जनपदहैण्डबॉल-सङ्घस्य कार्यालये आयोजिते सम्मानसमारोहे जनपदक्रीडा-क्रीडाप्रशिक्षणसंस्थायाः हरिद्वारस्य अध्यक्षः उत्तराखण्डहैण्डबॉल-सङ्घस्य अध्यक्षश्च अरविन्दकुमार अग्रवालः, वरिष्ठः क्रिकेटक्रीडकः प्रशिक्षकश्च प्रकाशजोशी तथा एथलेटिक्स्-प्रशिक्षकः भारतभूषणः संयुक्तरूपेण हिमांशुं सम्मानितवन्तः। अतिथयः अवदन् यत् राष्ट्रियस्तरीयायां प्रतियोगितायां सह-भागित्वमेव स्वयमेव महती उपलब्धिः अस्ति। हिमांशुः स्वस्य परिश्रमेण प्रतिभया च युवाक्रीडकानां कृते प्रेरणां प्रदत्तवान्।

कार्यक्रमे जिलाएथलेटिक्स-सङ्घस्य हरिद्वारस्य अध्यक्षः वरिष्ठः पार्षदश्च सुनीलकुमार अग्रवालः, पूर्वपार्षदः वॉलीबॉल-क्रीडकश्च उपेन्द्रकुमारः, पूर्वपार्षदः अशोकशर्मा, वरिष्ठक्रीडकः दीपेन्द्रशर्मा, हिमांशोः पिता देवानन्दथ-पलियालः, जिलाहैण्डबॉल्-सङ्घस्य अध्यक्षः विमलकुमारः, नारायणसेवा-संस्थानस्य संयोजकः विक्रमशाहः तथा पूर्ववॉलीबॉल-क्रीडकः सञ्जयशर्मा इत्यादयः अन्ये जनाश्च उपस्थिताः आसन्।

समारोहे वक्तारः अवदन् यत् लघुनगरेषु कस्बासु च प्रतिभानां किमपि न्यूनत्वं नास्ति। आवश्यकता तु तेषां कृते सम्यग्मार्गदर्शनस्य, प्रशिक्षणस्य उचित-मञ्चस्य च उपलब्धतायाः अस्ति।

Hindusthan Samachar / Divya Ranjan