Enter your Email Address to subscribe to our newsletters
भुवनेश्वरम्, 04 सितंबरमासः (हि.स.)।ओडिशाप्रदेशस्य मुख्यमन्त्री मोहनचरणमाझी ईओएस-पञ्च उपग्रहं प्रति जीएसएलवी-एफ सप्तदशस्य सफलप्रक्षेपणस्य कृते भारतीय-अन्तरिक्ष-अनुसन्धान-सङ्गठनाय तथा अस्मिन् अभियाने सम्बद्धेभ्यः सर्वेभ्यः हितधारकेभ्यः शुभकामनाः अयच्छत्।
मुख्यमन्त्री माझी सामाजिकमाध्यमे प्रकाशितेन सन्देशेन अवदत् यत् एषा सफलता भारतस्य अन्तरिक्षप्रौद्योगिक्याः नवाचारस्य च क्षेत्रे वर्धमानशक्तेः गौरवपूर्णं प्रमाणम् अस्ति। सः अवदत् यत् प्रधानमन्त्री नरेन्द्रमोदिनः दूरदर्शिनः नेतृत्वे भारतं निरन्तरम् अन्तरिक्षक्षेत्रे नूतनानां सीम्नां विस्तारं कुर्वन् अस्ति तथा स्वकीयाभिः उपलब्धिभिः सम्पूर्णं विश्वं प्रेरयति।
मुख्यमन्त्री अस्याः ऐतिहासिकायाः उपलब्धेः कृते इसरो-संस्थायाः वैज्ञानिकेभ्यः, अभियन्तृभ्यः तथा अभियाने सम्बद्धेभ्यः सर्वेभ्यः जनाभ्यः शुभकामनाः अयच्छत्।
---------------
Hindusthan Samachar / Dheeraj Maithani