नव दिल्ली, 04 सितंबरमासः (हि.स.)।

राष्ट्रियस्वयंसेवकसङ्घस्य वरिष्ठप्रचारकः, राष्ट्रियकविसङ्गमस्य संस्थापकाध्यक्षः, प्रख्यातसाहित्यकारश्च जगदीशमित्तलः सितम्बरमासस्य तृतीये दिनाङ्के दिवङ्गतः। केन्द्रीयमन्त्री मनोहरलालस्य सह विभिन्नराज्यानां मुख्यमन्त्रिभिः तस्य निधनं प्रति दुःखं व्यक्तं कुर्वद्भिः तं राष्ट्रस्य, समाजस्य, सङ्घटनस्य साहित्यस्य च प्रति समर्पितं व्यक्तित्वम् इति वर्णितम्। जगदीशमित्तलस्य अन्त्येष्टिसंस्कारः अद्य अपराह्णे त्रिवादने हरियाणाराज्यस्य जगाधरीनगरे करिष्यते।

केन्द्रीयमन्त्री मनोहरलालेन जगदीशमित्तलस्य निधनम् अत्यन्तदुःखदम् इति कथयता उक्तं यत् सः स्वस्य सम्पूर्णं जीवनं राष्ट्रस्य, समाजस्य साहित्यस्य च सेवायै समर्पितवान्। समाजस्य प्रति तस्य निष्ठा साहित्यस्य प्रति च समर्पणम् आगामिपीढीनां कृते अमूल्या विरासत् अस्ति। तेन परमात्मनः समीपे दिवङ्गतात्मनः स्वश्रीचरणेषु स्थानं दातुं शोकाकुलपरिजनानां च एतदपरिमितं दुःखं सोढुं शक्तिं प्रदातुं प्रार्थना कृता।

दिल्लीमुख्यमन्त्री रेखागुप्तया शोकं व्यक्तं कुर्वत्या उक्तं यत् राष्ट्रियकविसङ्गमस्य संस्थापकाध्यक्षस्य आरएसएस-सङ्घस्य पूर्ववरिष्ठप्रचारकस्य च जगदीशमित्तलस्य जीवनं राष्ट्रभावनायै, सङ्घटनाय, साहित्याय समाजसेवायै च समर्पितम् आसीत्। तस्य जीवनम् अनेकेषां कार्यकर्तॄणां कृते प्रेरणास्रोतः अभवत्। तया ईश्वरं प्रति दिवङ्गतात्मनः शान्तये, परिजनानां शुभचिन्तकानां च सम्बलप्राप्तये कामना कृता।

मध्यप्रदेशस्य मुख्यमन्त्री मोहनयादवेन जगदीशमित्तलस्य निधनम् अत्यन्तदुःखदम् इति कथयता उक्तं यत् समाजस्य राष्ट्रस्य च हिताय समर्पितं तस्य जीवनं सदैव प्रेरणां प्रदास्यति। तेन बाबामहाकालं प्रति दिवङ्गतात्मनः स्वश्रीचरणेषु स्थानं दातुं शोकाकुलपरिवारस्य च दुःखं सोढुं शक्तिं प्रदातुं प्रार्थना कृता।

राजस्थानस्य मुख्यमन्त्री भजनलालशर्मणा तस्य निधनं पीडादायकम् इति कथयता उक्तं यत् राष्ट्रचेतनायाः, साहित्यसाधनायाः सङ्घटनात्मकजीवनस्य च प्रति जगदीशमित्तलस्य समर्पणं सर्वान् राष्ट्रसेवायाः पथि अग्रे गन्तुं प्रेरयिष्यति। तेन ईश्वरं प्रति दिवङ्गतपुण्यात्मनः स्वश्रीचरणेषु स्थानं दातुं परिजनानां च एतद् दुःखं सोढुं शक्तिं प्रदातुं प्रार्थना कृता।

दिल्लीसर्वकारस्य मन्त्री मनजिन्दरसिंहसिर्सया शोकं व्यक्तं कुर्वता उक्तं यत् राष्ट्रस्य, समाजस्य साहित्यस्य च प्रति जगदीशमित्तलस्य आजीवनं समर्पणं सदैव स्मरणीयं भविष्यति। तेन वाहेगुरोः समीपे दिवङ्गतात्मनः स्वश्रीचरणेषु स्थानं दातुं शोकसन्तप्तपरिवाराय च सम्बलं प्रदातुं प्रार्थना कृता।

---------------

Hindusthan Samachar / Dheeraj Maithani