Enter your Email Address to subscribe to our newsletters
लखनऊ, 04 सितंबरमासः (हि.स.)।भारतीयजनतापक्षस्य प्रदेशाध्यक्षः केन्द्रीयवित्तराज्यमन्त्री च पङ्कजचौधरी महोदयः बुलन्दशहरजनपदस्य शिकारपुरविधानसभाक्षेत्रस्य विधायकस्य अनिलशर्मणः निधनानन्तरं शुक्रवासरे तस्य निवासस्थानं गत्वा श्रद्धासुमनांसि समर्पितवान्। सः शोकसन्तप्तैः परिजनैः सह मिलित्वा तान् सान्त्वनां दत्त्वा धैर्यं बन्धितवान्।
प्रदेशभाजपाध्यक्षः पङ्कजचौधरी शोकसंवेदनां प्रकटयन् अवदत् यत् अनिलशर्मा स्वस्य राजनैतिके सामाजिके च जीवने येषाम् आदर्शानां मूल्यानां च अनुसरणं कृत्वा कार्यं कृतवान्, ते अस्माकं कृते प्रेरणादायकाः सन्ति। तस्य योगदानं सङ्गठनाय समाजाय च निरन्तरं प्रेरणां प्रदास्यति। ईश्वरं प्रति प्रार्थना अस्ति यत् सः दिवङ्गताय पुण्यात्मने स्वश्रीचरणयोः स्थानं ददातु तथा च शोकसन्तप्तपरिवाराय एतत् अपारं दुःखं सोढुं शक्तिं सम्बलं च प्रददातु।
प्रदेशभाजपाध्यक्षः भाजपापदाधिकारिभिः, जनप्रतिनिधिभिः, कार्यकर्तृभिः तथा गणमान्यजनैः सह दिवङ्गताय पुण्यात्मने श्रद्धासुमनांसि समर्प्य नमनं कृतवान्।
Hindusthan Samachar / Dheeraj Maithani