चेन्नई, 04 सितंबरमासः (हि.स.)।

तमिलनाडुराज्यस्य मुख्यमन्त्रिणः सी. जोसेफ् विजयस्य थलपति विजयस्य वा शैलीं तस्य विशिष्टमुद्रां च अनुसृत्य निर्मितायाः गणेशप्रतिमायाः चलच्चित्रं अन्तर्जालमाध्यमेषु तीव्रगत्या प्रसारितं भवति। गणेशचतुर्थीपर्वणः अवसरे तमिलनाडुराज्यस्य तिरुवल्लूरजनपदस्य पोन्नेरी सहितेषु बहुषु क्षेत्रेषु मूर्तिकारैः एतादृश्यः अद्वितीयाः प्रतिमाः निर्मिताः सन्ति। एषा प्रतिमा कृत्रिमबुद्धिमत्ता-प्रौद्योगिक्याः माध्यमेन निर्मिता अस्ति। गणेशचतुर्थीपर्व आगामी चतुर्दशे सितम्बरमासे आचरिष्यते।

सामान्यतः गणेशचतुर्थीदिने जनाः स्वगृहेषु मृत्तिकया निर्मितां भगवान् गणेशस्य प्रतिमां स्थापयन्ति तथा भगवान् गणेशाय प्रियं मोदकं फलानि पोरी इत्यादीनि विविध खाद्यपदार्थानि नैवेद्यरूपेण समर्प्य पूजां कुर्वन्ति। केचन जनाः तस्मिन्नेव दिने सायंकाले रात्रौ वा प्रतिमां समीपस्थेषु जलाशयेषु विसर्जयन्ति। अपरैः केचन जनाः प्रतिमां त्रिदिनानि पञ्चदिनानि सप्तदिनानि वा गृह एव स्थापयित्वा प्रतिदिनं पूजां कृत्वा ततः जलाशयेषु विसर्जयन्ति।

गणेशचतुर्थीपर्वणः एकमासपूर्वमेव विभिन्नरूपेषु गणेशप्रतिमानां निर्माणकार्यं प्रारभ्यते। बुलेट्-गणेशः, बॉक्सिङ्ग्-गणेशः, चन्द्रमा-गणेशः इत्यादीनि तस्मिन् काले प्रचलितानां प्रवृत्तीनामनुसारं प्रतिवर्षं विभिन्नेषु अनोखेषु च रूपेषु प्रतिमाः निर्मीयन्ते।

---------------

Hindusthan Samachar / Dheeraj Maithani