Enter your Email Address to subscribe to our newsletters
नव दिल्ली, 04 सितंबरमासः (हि.स.)।टाटा रियल्टी एण्ड इन्फ्रास्ट्रक्चर लिमिटेड इत्यनया गौरवजैनः स्वस्य नूतनः प्रबन्धनिदेशकः (एमडी) मुख्यकार्यपालकाधिकारी (सीईओ) च नियुक्तः अस्ति। जैनस्य नियुक्तिः अक्टोबरमासस्य प्रथमदिनाङ्कात् वर्षे द्विसहस्रषड्विंशतितमे प्रभाविता भविष्यति।
टाटा रियल्टी एण्ड इन्फ्रास्ट्रक्चर लिमिटेड् इत्यनया शुक्रवासरे प्रकाशिते विज्ञप्तौ कथितं यत् संस्थया अक्टोबरमासस्य प्रथमदिनाङ्कात् गौरवजैनः नूतनः प्रबन्धनिदेशकः (एमडी) मुख्यकार्यपालकाधिकारी (सीईओ) च नियुक्तः अस्ति।
जैनस्य आवासीय-वाणिज्यिक-अचलसम्पत्तिक्षेत्रयोः त्रयोविंशतिवर्षेभ्यः अधिकः अनुभवः अस्ति। संस्थया उक्तं यत् तस्य व्यवसायवृद्धौ, संस्थानिर्माणे, रणनीतिकयोजनायां, परिचालनश्रेष्ठतायां, विक्रये विपणने च तथा लाभहानिप्रबन्धने च विशेषं कौशलम् अस्ति।
संस्थया कथितं यत् जैनः सञ्जयदत्तस्य स्थानं स्वीकरिष्यति। सञ्जयदत्तेन नूतनान् अवसरान् अन्वेष्टुं टीआरआईएल-संस्थायाः प्रबन्धनिदेशकस्य मुख्यकार्यपालकाधिकारिणश्च पदात् अलीकमे एव त्यागपत्रं दत्तम् आसीत्।
उल्लेखनीयं यत् टाटा सन्स प्राइवेट लिमिटेड् इत्यस्य पूर्णस्वामित्वयुक्ता सहायकसंस्था टीआरआईएल देशस्य प्रमुखेषु अचलसम्पत्तिविकासकेषु अन्यतमा अस्ति। अचलसम्पत्तेः आधारभूतसंरचनायाश्च विकासं कुर्वती एषा संस्था विकासस्य आगामीचरणस्य कृते सज्जतां करोति।
---------------
Hindusthan Samachar / Dheeraj Maithani