देहरादूनम्, 04 सितंबरमासः (हि.स.)। विपक्षनेता यशपालआर्यः राज्यसर्वकारात् रुद्रपुर-पिथौरागढयोः चिकित्सामहाविद्यालययोः शैक्षणिकसत्रे २०२६-२७ तमे वर्षे एव एमबीबीएस् अध्ययनस्य आरम्भं कारयितुं मागं कृतवान्। सः आरोपितवान् यत् सर्वकारस्य उपेक्षायाः कारणात् अद्यापि एतेषु चिकित्सामहाविद्यालयेषु शैक्षणिकसत्रस्य आरम्भः न जातः, येन राज्यस्य निर्धनाः प्रतिभावन्तश्च छात्राः महङ्गेषु निजीचिकित्सामहाविद्यालयेषु प्रवेशं ग्रहीतुं विवशाः भवन्ति।

आर्यः उक्तवान् यत् यदि रुद्रपुर-पिथौरागढयोः चिकित्सामहाविद्यालययोः अस्मिन्नेव शैक्षणिकसत्रे प्रवेशः आरभ्यते, तर्हि प्रायः द्विशतं युवानां न्यूनशुल्केन शासकीयचिकित्सामहाविद्यालये एमबीबीएस् अध्ययनस्य स्वप्नं पूर्णं भविष्यति। सः उक्तवान् यत् रुद्रपुरचिकित्सामहाविद्यालये शतं एमबीबीएस् आसनेषु अस्मिन्नेव सत्रे प्रवेशप्रक्रियायाः आरम्भाय राज्यसर्वकारेण केन्द्रसर्वकारेण राष्ट्रियचिकित्साआयोगेन च सह आवश्यकः समन्वयः करणीयः।

विपक्षनेता उक्तवान् यत् प्रायः सर्वाः औपचारिकताः पूर्णाः सन्ति। तथापि यदि रुद्रपुरचिकित्सामहाविद्यालये २०२६-२७ तमात् शैक्षणिकसत्रात् शतं एमबीबीएस् आसनेषु प्रवेशः न आरभ्यते, तर्हि एषा सर्वकारस्य राजनैतिक-प्रशासनिकविफलता भविष्यति।

सः पिथौरागढचिकित्सामहाविद्यालयाय अपि शतं एमबीबीएस् आसनानां मान्यतां प्राप्तुं तथा हल्द्वानीचिकित्सामहाविद्यालये पञ्चविंशतिः अतिरिक्तानां एमबीबीएस् आसनानां स्वीकृतिं प्राप्तुं मागं कृतवान्। आर्यः उक्तवान् यत् अनेन उत्तराखण्डस्य प्रतिभावद्भ्यः युवभ्यः न्यूनशुल्केन चिकित्साशिक्षां प्राप्तुं अवसरः प्राप्स्यते तथा भविष्ये राज्याय अधिकसंख्यकाः चिकित्सकाः उपलब्धाः भविष्यन्ति।

-----

Hindusthan Samachar / Dheeraj Maithani