विकासनगरम्, 04 सितंबरमासः (हि.स.)।उत्तराखण्डपावरकॉरपोरेशनलिमिटेड इत्यस्य प्रबन्धनिदेशकः प्रकाशचन्द्रध्यानी शुक्रवासरे विकासनगरक्षेत्रस्य भ्रमणं कृत्वा विद्युत्वितरणव्यवस्थायाः निरीक्षणं कृतवान्। सः विकासनगर-सहसपुर-डाकपत्थर-ढकरानी-कुल्हालक्षेत्रेषु विद्युत्प्रदायसम्बद्धानां व्यवस्थां ज्ञातवान्। भ्रमणावसरे अधिकारिभिः सह आयोजितायां सभायां क्षेत्रे विद्युत्प्रदायस्य, वितरणजालस्य, उपभोक्तृभ्यः प्रदीयमानानां सुविधानां च समीक्षा कृता।

प्रबन्धनिदेशकः अधिकारिभ्यः विद्युत्व्यवस्थां अधिकं सुदृढां कर्तुं तथा उपभोक्तॄणां शिकायतानां प्राथमिकतायाः आधारेण शीघ्रं निराकरणं कर्तुं निर्देशान् दत्तवान्। सः विद्युद्रेखानां, विद्युत्परिवर्तकानां, वितरणजालस्य च नियमितनिरीक्षणे विशेषं बलं दत्त्वा उक्तवान् यत् वर्धमानानां विद्युत्आवश्यकतानाम् अनुरूपं वितरणव्यवस्था सुदृढीक्रियते। अस्याः व्यवस्थायाः उद्देश्यं उपभोक्तृभ्यः उत्तमां निर्बाधां च विद्युत्प्रदायव्यवस्थां प्रदातुम् अस्ति।

क्षेत्रीयाधिकारिभिः अपि प्रबन्धनिदेशकाय स्थानीयस्तरे विद्युत्व्यवस्थासम्बद्धानां समस्याणां आवश्यकतानां च विषये सूचना प्रदत्ता। अस्मिन् अवसरे मुख्याभियन्ता एनएसबिष्टः, अधीक्षणाभियन्तारौ युद्धवीरसिंहतोमरः गौरवशर्मा च, अधिशासी अभियन्ता शक्तिप्रसादः इत्यादयः विभिन्नाः अधिकारिणः उपस्थिताः आसन्।

----

Hindusthan Samachar / Dheeraj Maithani