Enter your Email Address to subscribe to our newsletters
मीरजापुरम्, 04 सितंबरमासः (हि.स.)।
जिगना-क्षेत्रस्य महाशक्ति-इण्टर-कॉलेज-बिहसड़ायां शुक्रवासरे बाबा जयगुरुदेवजी-महाराजस्य उत्तराधिकारी सन्तः पंकजजी-महाराजः विशालं जनसमुदायं जीवनं सार्थकं कर्तुं सन्देशं प्रदत्तवान्। सः उक्तवान् यत् जन्मजन्मान्तरस्य पुण्यकर्मणाम् उदयेन मानवशरीरं प्राप्यते। मानवशरीरे एकम् एवं नेत्रं तथा च एकः कर्णः अस्ति, याभ्यां ऊर्ध्वलोकानां दर्शनं परमात्मनः स्वरस्य श्रवणं च कर्तुं शक्यते।
सः उक्तवान् यत् भजनम् जीवात्मनः भोजनम् अस्ति। आत्मकल्याणस्य साधनाय शाकाहारी, सदाचारी नशामुक्तं च जीवनम् अवलम्बितुं आवश्यकम् अस्ति। मानवीयधर्मस्य पालनं कुर्वद्भिः परस्परं निःस्वार्थभावेन सेवा कर्तव्या। प्रेम, दया, करुणा अहिंसा इत्यादीन् सद्गुणान् जीवने स्वीकरणस्य प्रेरणा अपि तेन प्रदत्ता।
सन्तः पंकजजी-महाराजः शाकाहारं सुखदायकम् आहारं वर्णयन् उक्तवान् यत् नशा अपराधानां मूलम् अस्ति। तस्मात् दूरं स्थित्वा उत्तमसमाजस्य निर्माणे सर्वैः स्वकीयां सहभागितां निर्वोढव्या।
कार्यक्रमे प्रधानाचार्यः सुशीलकुमारसिंहः, घूरनप्रसादः, मोतीलालसिंहः, रामखेलावनः, सतीशः, भरतलालः इत्यादयः उपस्थिताः आसन्।
---------------
Hindusthan Samachar / Dheeraj Maithani