उज्जयिन्याः मटकीभञ्जनस्पर्धायां मुख्यमन्त्री डॉ. यादवः आभासीयमाध्यमेन सम्बद्धः

भोपालम्, ०४ सेप्टेम्बरमासः (हि.स.)। मध्यप्रदेशस्य मुख्यमन्त्री डॉ. मोहनयादवः अवदत् यत् श्रीकृष्णजन्माष्टमीपर्वणः मनुष्यः विविधाः शिक्षाः प्राप्नोति। भगवान् श्रीकृष्णस्य जीवनं साहसस्य, रणनीति-निर्माणस्य, कर्तव्यपरायणतायाः, मैत्री-महत्त्वस्य च बोधं कारयति।

मुख्यमन्त्री डॉ. यादवः शुक्रवासरे उज्जयिन्याः शहीदपार्कस्थिते कृष्णग्रुप-संस्थया कृष्णवेल्फेयरसोसायटी-संस्थया च आयोजितायां मटकीभञ्जनस्पर्धायां भजनसन्ध्यायां च आभासीयमाध्यमेन सम्बोधनं कृतवान्। मुख्यमन्त्री डॉ. यादवः सर्वेभ्यः जन्माष्टमीपर्वणः शुभकामनाः प्रदत्तवान्।

मुख्यमन्त्री डॉ. यादवः अवदत् यत् मटकीभञ्जनस्पर्धायां कार्यक्रमे च जीवनदर्शनं निहितम् अस्ति। अस्माकं जीवनं मटकीवत् अथवा घटवत् अस्ति, यस्मिन् पुण्यस्य नवनीतं सदा पूरितं भवेत्। वयं सर्वे मिलित्वा मटकीति भंजनं कृत्वा नवनीतं प्राप्नुमः। एकतया मटकी-भञ्जनस्य आनन्दः विशिष्टः भवति। मटकीभञ्जनस्पर्धया एषा शिक्षा प्राप्यते यत् मैत्री सामूहिकता च कियती आवश्यकाः स्तः। मटकीभञ्जनस्य कार्यं सङ्गठनस्य शक्तिमपि प्रदर्शयति।

मुख्यमन्त्री डॉ. यादवः संस्थया विगत-सप्तदशवर्षेभ्यः निरन्तरं आयोज्यमानस्य अस्य कार्यक्रमस्य सर्वेषां प्रतिभागिनां च प्रशंसाम् अकरोत्। कार्यक्रमे नगर-निगमस्य सभापतिः कलावतीयादवः अन्ये च नैके जनप्रतिनिधयः उपस्थिताः आसन्।

Hindusthan Samachar / Divya Ranjan