Enter your Email Address to subscribe to our newsletters
नव दिल्ली, 05 सितंबरमासः (हि.स.)। राष्ट्रियराजधान्यां नूतनदिल्ल्यां १२–१३ सेप्टेम्बरदिनाङ्कयोः आयोज्यमाने प्रथमे आई ब्रिक्स शिखरसम्मेलने २०२६ मध्ये पञ्चशताधिकाः संस्थागतनिवेशकाः, पेंशननिधयः तथा पारिवारिकसम्पत्तिप्रबन्धनसंस्थाः सहभागं करिष्यन्ति।
आयोजकैः शनिवासरे उक्तं यत् भारतस्य ब्रिक्स अध्यक्षतायाः अन्तर्गतं नूतनदिल्ल्यां एकट्रिलियन अमेरिकीडॉलरपरिमितस्य वैश्विकसॉवरेन पूँजीसम्मेलनस्य आयोजनं भविष्यति। अस्मिन् आई ब्रिक्स शिखरसम्मेलने पञ्चशताधिकाः संस्थागतनिवेशकाः, पेंशननिधयः तथा पारिवारिकसम्पत्तिप्रबन्धनसंस्थाः समागमिष्यन्ति।
राष्ट्रीयराजधान्यां नूतनदिल्ल्यां १२ तथा १३ सेप्टेम्बरदिनाङ्कयोः द्विदिवसीयं अष्टादशं ब्रिक्स शिखरसम्मेलनम् आयोज्यते। अस्य उद्देश्यः ब्रिक्सस्य एकविंशतिसदस्यसहभागिराष्ट्रेषु आधारभूतसंरचना, ऊर्जा तथा डिजिटलक्षमतासम्बद्धानां वित्तपोषणयोग्यानां परियोजनानां कृते सार्वभौमपूँजीं निवेशकांश्च परस्परं सम्बद्धुं वर्तते।
सॉवरेन वेल्थ फण्ड इन्स्टिट्यूट इति संस्थया प्रकाशितवक्तव्ये उक्तं यत् एतत् सम्मेलनं तस्मिन् समये भविष्यति यदा ब्रिक्स अर्थव्यवस्थाः परिवर्तमानव्यापारपरिस्थितयः, अमेरिकादेशस्य शुल्कनीतयः तथा डॉलरमुद्रायां लेनदेनस्य वर्धमानव्ययः इत्यादीनां चुनौतीनां मध्ये स्वकीयाः रणनीतयः परिवर्तयन्ति। संस्थायाः अनुसारं सम्मेलने भारतस्य एकीकृतभुगतानव्यवस्था यूपीआई तथा ब्राजीलदेशस्य पिक्स इति त्वरितभुगतानजालस्य संयोजनं, केन्द्रियबैङ्कीयडिजिटलमुद्राणां परस्परसञ्चालनस्य सम्भावनाश्च चर्चायां भविष्यन्ति।
उल्लेखनीयं यत् ब्रिक्स विश्वस्य प्रमुखानाम् उदयोन्मुखबाजाराणां विकासशीलराष्ट्राणां च अन्तरराष्ट्रीयसङ्गठनम् अस्ति। पूर्वं अस्मिन् केवलं पञ्च राष्ट्राणि आसन्, विस्तारानन्तरं तु अधुना एकादश सदस्यराष्ट्राणि सन्ति। अस्य सङ्गठनस्य नाम प्रारम्भे ब्राजील, रूस, भारत तथा चीन इत्येषां चतुर्णां राष्ट्राणाम् आङ्ग्लनाम्नां आद्यक्षरेभ्यः ब्रिक इति जातम्, यत् २०११ तमे वर्षे दक्षिणाफ्रिकादेशस्य समावेशेन ब्रिक्स इति अभवत्।
अस्य स्थापना २००६ तमे वर्षे अभवत्। प्रथमं शिखरसम्मेलनं २००९ तमे वर्षे सम्पन्नम्। अस्य प्रमुखोद्देश्यः सदस्यराष्ट्राणां मध्ये आर्थिकसहयोगस्य, व्यापारस्य तथा वैश्विकराजनैतिकार्थिकशासनस्य सुदृढीकरणम् अस्ति। अधुना ब्राजील, रूस, भारत, चीन, दक्षिणाफ्रिका, मिस्र, इथियोपिया, ईरान, संयुक्तअरबअमीरात, सऊदीअरब तथा इण्डोनेशिया अस्य सदस्यराष्ट्राणि सन्ति।
---------------
Hindusthan Samachar / Dheeraj Maithani