Enter your Email Address to subscribe to our newsletters
कोलकाता, ०५ सितम्बरमासः (हि.स.)।पश्चिमबङ्गालस्य राज्यपालः आर. एन. रविः शिक्षकदिवसस्य अवसरे सर्वान् गुरुजनान् नतवान्। सः शनिवासरे समाजमाध्यमे सन्देशं प्रकाशितवान्। महान् शिक्षकः, दार्शनिकः तथा पूर्वराष्ट्रपतिः डॉ. सर्वपल्ली राधाकृष्णन् इत्यस्य जयन्त्यवसरे तस्मै विनम्रां श्रद्धाञ्जलिं समर्पितवान्।
राज्यपालः आर. एन. रविः उक्तवान् यत् ये गुरवः मनांसि प्रकाशयन्ति, चरित्रस्य निर्माणं कुर्वन्ति तथा नववंशं सम्यग्दिशि नयन्ति, तेषां श्रीचरणेषु हार्दिकं प्रणामं समर्पयामि।
सः उक्तवान् यत् भारतस्य सनातनज्ञानपरम्परायां गुरवः ज्ञानस्य, प्रज्ञायाः तथा मूल्यानां प्रमुखाः स्रोतांसि अभवन्। गुरुकुल-गुरुशिष्यपरम्पराभ्यां अनेके वंशाः विद्यायाः, विवेकस्य, धर्मस्य तथा कर्तव्यस्य च ज्ञानं प्राप्तवन्तः। गुरुजनाः विद्यार्थिनां चिन्तनशक्तेः विकासं कृत्वा तेषां चरित्रस्य निर्माणमपि कृतवन्तः। ते जीवनस्य लक्ष्यस्य दायित्वस्य च विषये गहनं बोधं विद्यार्थिषु विकसितवन्तः।
राज्यपालः उक्तवान् यत् वर्तमानः शिक्षकसमाजः इमां कालजयीं परम्परां गौरवेण अग्रे वर्धयति। शिक्षकाः विद्यार्थिषु ज्ञानस्य जिज्ञासां जागरयन्ति, स्वतन्त्रचिन्तनस्य क्षमतां विकसितवन्ति, तेषां सुप्तप्रतिभां प्रकाशयन्ति तथा निरन्तरं श्रेष्ठतरं कर्तुं तान् प्रेरयन्ति।
सः उक्तवान् यत् शिक्षकाः युवावंशं ज्ञानेन, आत्मविश्वासेन तथा नैतिकचरित्रेण समृद्धां कुर्वन्ति, येन ते दृढविश्वासेन भविष्यस्य आव्हानानां सम्मुखीभवितुं शक्नुयुः। एषा एव युवावंशं भारतस्य पुनरुत्थानस्य नेतृत्वं कुर्वती विश्वगुरुरूपेण भारतस्य गौरवमयभविष्यस्य निर्माणस्य सङ्कल्पं साकारं करिष्यति।
राज्यपालः शिक्षकदिवसस्य अवसरे राष्ट्रस्य समाजस्य च निर्माणे योगदानं ददतां सर्वेषां शिक्षकान् प्रति सम्मानं कृतज्ञतां च प्रकटितवान्।
हिन्दुस्थान समाचार / Divya Ranjan