Enter your Email Address to subscribe to our newsletters
मथुरा, ०५ सेप्टेम्बरमासः (हि.स.)। श्रीकृष्णजन्मस्थाने अजन्मनः जन्मोत्सवस्य पावनं पर्व अत्यन्त-हर्षोल्लासेन भव्यतया च आचरितम्। भगवत: श्रीकृष्णस्य प्राकट्यस्य साक्षिणः भवितुं देश-विदेशेभ्यः लक्षशः श्रद्धालवः प्रातःकालादेव मथुराम् आगतवन्तः। भक्तेषु कान्हस्य दर्शनं प्रति अद्भुतः उत्साहः उमङ्गश्च दृश्यते स्म।
रात्रौ द्वादशवादने श्रीकृष्णजन्मस्थानस्य सम्पूर्णं परिसरं ढोल-नगाडानां, घण्टा-घडियालानां, झाञ्झ-मञ्जीराणां, मृदङ्गस्य शङ्खस्य च मङ्गलध्वनिभिः गुञ्जितम्। ‘हस्ति अश्वः पालकी, जय कन्हैयालाल की’ इति तथा ‘राधे-कृष्ण’ इति जयघोषैः सम्पूर्णं वातावरणं कृष्णमयं जातम्। महारार्तिक्या: अनन्तरं भक्तगणाः भक्तिरसे निमग्नाः सन्तः आनन्देन नृत्यन्ति स्म।
रात्रौ एकादशवादनादेव श्रीगणेशस्य नवग्रहाणां च स्थापनया सह पूजनम् आरब्धम्। द्वादशवादने शुभक्षणस्य सङ्केतः प्राप्तः, ततः ‘जय कन्हैयालाल की, हस्ति अश्वः पालकी...’ इति जयघोषः पुनः गुञ्जितः। कृष्णस्य चलद्विग्रहः भागवतभवने रजतमयकमलपुष्पे प्रतिष्ठापितः। अत्र संस्थानस्य सचिवः कपिलशर्मा, सदस्यः गोपेश्वरनाथचतुर्वेदी च सुवर्णरजताभ्यां निर्मितस्य कामधेनुगोः प्रतीकेन दुग्धाभिषेकं कारितवन्तौ। अभिषेकसमये भगवान् श्रीकृष्णस्य उपरि गुलाबस्य, चमेलीपुष्पाणां बेला-पुष्पाणां च निरन्तरं वर्षा भवति स्म।
रजतमयकमलपुष्पे विराजमानस्य भगवान् श्रीकृष्णस्य अस्य दिव्यस्वरूपस्य दर्शनं कृत्वा भक्ताः भावविभोराः अभवन्। मध्यरात्रौ द्वादशवादने भगवत: प्राकट्येन आरब्धा महारार्तिकी रात्रौ द्वादशवादनस्य दशनिमेषपर्यन्तं प्राचलत्। अस्यां महारार्तिक्यां देशस्य विभिन्नेभ्यः भागेभ्यः आगताः सन्तः श्रद्धालवश्च सम्मिलिताः, जन्मोत्सवस्य हर्षे च शुभकामनागीतानि अगायन्।
श्रद्धालवः हर्षोल्लासे तादृशं निमग्नाः आसन्, मानो भगवान् कान्हा तेषां मनसः सर्वाः कामनाः पूर्णाः कृतवान्। रात्रौ सार्धैकवादनपर्यन्तं श्रद्धालूनां कृते दर्शनस्य व्यवस्था आसीत्। अस्मिन् वर्षे गर्भगृहे कृतस्य ललायाः अभिषेकस्य दृश्यं जन्मस्थानस्य बहिः एलईडी-माध्यमेन प्रदर्शितम्।
Hindusthan Samachar / Divya Ranjan