देहरादूनम्, 05 सितंबरमासः (हि.स.)। राज्यपालः लेफ्टिनेन्टजनरलः गुरमीतसिंहः (सेवानिवृत्तः) शिक्षकदिवसस्य अवसरे शनिवासरे लोकभवने आयोजिते शैलेशमटियानीराज्यशैक्षिकपुरस्कारसमारोहे वर्ष २०२५ कृते चयनितान् एकोनविंशतिं शिक्षकान् शिक्षिकाश्च सम्मानितवान्। राज्यपालः सर्वेभ्यः सम्मानितेभ्यः शिक्षकेभ्यः पुरस्कारान् प्रदाय तेषां कृते अभिनन्दनानि शुभकामनाश्च अयच्छत्।

राज्यपालः अवदत् यत् शिक्षकः केवलं एकेन व्यवसायेन सम्बद्धः व्यक्तिः न, अपितु पीढीनां दिशानिर्देशकः राष्ट्रस्य भविष्यस्य च निर्माता मार्गदर्शकः भवति। शिक्षकः विद्यार्थिभ्यः ज्ञानं प्रदानेन सह संस्कारानपि ददाति, तेषां प्रतिभां परिचिनोति, जीवनस्य सम्यग्दिशां च दर्शयति। सः अवदत् यत् सहस्रेषु शिक्षकेषु चयनितः भूत्वा एतत् सम्मानं प्राप्तुं स्वयमेव महती उपलब्धिः अस्ति।

राज्यपालः अवदत् यत् शिक्षकस्य सफलता केवलमनेन निश्चीयते यत् तस्य कक्षायाः कतिविद्यार्थिनः उत्तमान् अङ्कान् प्राप्तवन्तः। शिक्षकस्य वास्तविकसफलता तदा भवति, यदा सामान्यपरिवारस्य कश्चित् बालकः प्रगतिं कृत्वा देशस्य परिचयं भवति तथा च वदति यत् स्वप्नदर्शनस्य तेषां पूर्तौ विश्वासः तेन स्वगुरोः प्राप्तः।

सः अवदत् यत् विद्यार्थिनः अन्तर्निहितानां सम्भावनानां परिचयः, तेषु आत्मविश्वासस्य जागरणम्, अग्रे गन्तुं साहसस्य च प्रदानं शिक्षकस्य सर्वाधिकं महत्त्वपूर्णं योगदानम् अस्ति।

सः अवदत् यत् हिन्दी-साहित्यस्य संवेदनशीलः कथाकारः शैलेशमटियानी पर्वतीयस्य सामान्यजनस्य जीवनं, संघर्षं संवेदनाश्च स्वलेखन्या सशक्तस्वरेण प्रस्तुतवान्। तस्य नाम्ना प्रदीयमानः अयं पुरस्कारः शिक्षकाणां समर्पणस्य, संघर्षस्य, संवेदनशीलतायाः समाजं प्रति तेषां दायित्वस्य च सम्मानः अस्ति।

राज्यपालः अवदत् यत् शिक्षायाः उद्देश्यं केवलं सूचनाप्रदानं न, अपितु बालकेषु चिन्तनस्य, अवगमनस्य, प्रश्नकरणस्य सम्यक् निर्णयग्रहणस्य च क्षमता विकसितुम् अस्ति। भविष्यस्य शिक्षायां प्रौद्योगिक्याः शक्तेः शिक्षकस्य संवेदनायाश्च समन्वयः आवश्यकः। प्रौद्योगिकी शिक्षणस्य नूतनान् अवसरान् प्रदातुं शक्नोति, किन्तु तेषाम् अवसरानां सम्यग्दिशि उपयोगं कारयितुं कार्यं शिक्षक एव करिष्यति।

अस्मिन् अवसरे शिक्षामन्त्री डॉ. धनसिंहरावतः अवदत् यत् प्रायः सप्ततिसहस्रेषु शिक्षकेषु एकोनविंशतिशिक्षकाणां चयनं चुनौतीपूर्णं कार्यम् अस्ति। सः सर्वेभ्यः चयनितेभ्यः शिक्षकेभ्यः अभिनन्दनानि प्रदाय अवदत् यत् एतत् सम्मानं तेषां उत्कृष्टकार्यस्य शिक्षायाः प्रति समर्पणस्य च प्रमाणम् अस्ति।

सः अवदत् यत् अयं पुरस्कारः प्रसिद्धस्य साहित्यकारस्य कथाकारस्य च शैलेशमटियानी इत्यस्य नाम्ना प्रदीयते। शैलेशमटियानी हिन्दी-साहित्यस्य समृद्धौ महत्त्वपूर्णं योगदानं कृतवान् तथा च शताधिकानां पुस्तकानां रचनां कृतवान्। सः अवदत् यत् प्रदेशस्य विद्यालयीयपुस्तकालयेषु शैलेशमटियानी इत्यस्य प्रमुखाः कृतयः उपलब्धाः कारयिष्यन्ते, येन विद्यार्थी तस्य साहित्येन लेखनेन च परिचिताः भवन्तु तथा उत्तराखण्डस्य साहित्यिकसांस्कृतिकपरम्परया सह सम्बद्धाः भवितुं शक्नुवन्ति।

पुरस्कारेण सम्मानिताः शिक्षकाः

प्रारम्भिकशिक्षाश्रेणी — आहत्य १२ शिक्षकाः

विष्णुपालसिंहनेगी — पौडीगढ़वालजनपदम्।लखपतसिंहरावतः — चमोलीजनपदम्।पृथ्वीसिंहरावतः — उत्तरकाशीजनपदम्।वीरेन्द्रसिंहरावतः — देहरादूनजनपदम्।रोबिनकुमारः — हरिद्वारजनपदम्।महेश्वरप्रसादसेमवालः — टिहरीजनपदम्।शशिकान्तनौटियालः — रुद्रप्रयागजनपदम्।जहीरअब्बासः — चम्पावतजनपदम्।नौसिंहः — ऊधमसिंहनगरजनपदम्।डॉ. श्वेतामजगाँई — नैनीतालजनपदम्।विक्रमसिंहपरिहारः — पिथौरागढ़जनपदम्।त्रिलोकसिंहअधिकारी — अल्मोड़ाजनपदम्।

माध्यमिकशिक्षाश्रेणी — आहत्य ०६ शिक्षकाः

नरेन्द्रसिंहनेगी — पौडीगढ़वालजनपदम्।डॉ. सुमनध्यानीशर्मा — चमोलीजनपदम्।डॉ. अतुलकुमारश्रीवास्तवः — देहरादूनजनपदम्।कमलेशपंवारः — हरिद्वारजनपदम्।नवीनचन्द्रपन्तः — चम्पावतजनपदम्।विशनसिंहमहता — नैनीतालजनपदम्।

प्रशिक्षणसंस्थानश्रेणी — आहत्य ०१ शिक्षकः

डॉ. सुबोधसिंहबिष्टः — उत्तरकाशीजनपदम्।

विशेषसम्मानः — राष्ट्रीयशिक्षकपुरस्कारविजेता

मञ्जूबाला — चम्पावतजनपदम्।----------------

Hindusthan Samachar / Dheeraj Maithani