नवदिल्ली, ०५ सितम्बरमासः (हि.स.)। शिक्षकदिवसस्य अवसरे उपराष्ट्रपतिः सी. पी. राधाकृष्णन्, लोकसभाध्यक्षः ओमबिरला, रक्षामन्त्री राजनाथसिंहः इत्यादयः अनेके नेतारः देशस्य सर्वेभ्यः शिक्षकेभ्यः शुभकामनाः अयच्छन्। अस्मिन् अवसरे नेतृभिः महान् दार्शनिकः, शिक्षकः तथा पूर्वराष्ट्रपतिः भारतरत्नं डॉ. सर्वपल्ली राधाकृष्णन् इत्यस्य जयन्त्यवसरे तस्मै श्रद्धासुमनांसि अपि समर्पितानि।

उपराष्ट्रपतिना सी. पी. राधाकृष्णनेन समाजमाध्यमस्य ‘एक्स’ इति मञ्चे देशस्य सर्वेभ्यः शिक्षकेभ्यः शिक्षकदिवसस्य शुभकामनाः प्रदत्ताः। सः उक्तवान् यत् शिक्षकाः स्वज्ञानस्य मूल्यैश्च राष्ट्रस्य भविष्यस्य निर्माणं कुर्वन्ति तथा विकसितभारतस्य आधारं स्थापयन्ति। डॉ. सर्वपल्ली राधाकृष्णन् स्मरन् सः उक्तवान् यत् तस्य जीवनं ज्ञानस्य शिक्षायाश्च उच्चतमादर्शानां प्रतीकम् आसीत्। शिक्षकाणां समर्पणाय नमनं कुर्वन् सः तेषां निरन्तरसफलतायै शुभकामनां प्रकटितवान्।

लोकसभाध्यक्षः ओमबिरला उक्तवान् यत् शिक्षकाः समाजस्य तेषु शिल्पिषु अन्तर्भवन्ति, ये स्वज्ञानेन, संस्कारेण मार्गदर्शनेन च अग्रिमवंशानां निर्माणं कुर्वन्ति। सः उक्तवान् यत् कस्यचित् राष्ट्रस्य प्रगतिः केवलं तस्य आर्थिकशक्त्या संसाधनैश्च निर्धारितं न भवति, अपितु नागरिकाणां शिक्षा, चिन्तनं, चरित्रं उत्तरदायित्वभावना च अपि महत्त्वपूर्णाः भवन्ति। व्यक्तित्वनिर्माणात् राष्ट्रनिर्माणपर्यन्तं एतेषां मूल्यानां स्वरूपनिर्धारणे शिक्षकस्य भूमिका सर्वाधिकं महत्त्वपूर्णा अस्ति।

रक्षामन्त्री राजनाथसिंहः उक्तवान् यत् राष्ट्रस्य समाजस्य च निर्माणे शिक्षकाणाम् अग्रणी भूमिका अभवत्। शिक्षकदिवसस्य अवसरे सर्वेभ्यः शिक्षकेभ्यः शुभकामनाः प्रदाय सः तेषां योगदानाय नमनं कृतवान्।केन्द्रीयगृहमन्त्री तथा सहकारितामन्त्री अमितशाहः डॉ. सर्वपल्ली राधाकृष्णन् इत्यस्मै श्रद्धाञ्जलिं समर्पयन् उक्तवान् यत् तस्य अमूल्यः धरोहरः ज्ञानसमृद्धभारतस्य निर्माणाय देशं निरन्तरं प्रेरयिष्यति।

केन्द्रीयवाणिज्य-उद्योगमन्त्री पीयूषगोयलः उक्तवान् यत् देशस्य प्रत्येकं सफलतायाः पृष्ठे कस्यचित् न कस्यचित् शिक्षकस्य योगदानं भवति। शिक्षकाः एव विद्यार्थिनां मनसि प्रश्नान् जनयन्ति, विचारान् दिशां प्रयच्छन्ति तथा स्वप्नानां पूर्तये तान् साहसं ददति।

काङ्ग्रेसस्य राष्ट्रियाध्यक्षः तथा लोकसभायां विपक्षनेता मल्लिकार्जुन-खरगे उक्तवान् यत् शिक्षकाः चिन्तनस्य स्वरूपं निर्धारयन्ति, मूल्येषु प्रोत्साहनं ददति तथा राष्ट्रस्य भविष्यस्य सुदृढं आधारं निर्मान्ति।

केन्द्रीयपर्यावरणमन्त्री भूपेन्द्रयादवः उक्तवान् यत् शिक्षकाः ज्ञानस्य मार्गं प्रकाशयन्ति, युवामनांसि प्रेरयन्ति तथा उत्तरदायिनः नागरिकान् निर्मातुं आवश्यकानां मूल्यानां विकासं कुर्वन्ति। सः उक्तवान् यत् एतानि एव मूल्यानि सुदृढस्य प्रगतिशीलस्य च राष्ट्रस्य आधारं स्थापयन्ति।

वहीं, केन्द्रीयकृषि-किसानकल्याण-ग्रामीणविकासमन्त्री शिवराजसिंहचौहानः गुरोः महत्त्वं रेखाङ्कयन् उक्तवान् यत् गुरोः महान् अन्यः कोऽपि भगवान् न भवति। सः उक्तवान् यत् गुरवः अपक्वां मृत्तिकां स्वरूपं दत्त्वा तस्यां प्राणान् सञ्चारयन्ति। सः सर्वेषां जीवने गुरुजनानाम् आशीर्वादः सदैव वर्तताम् इति कामनां कृतवान्।

Hindusthan Samachar / Divya Ranjan