देहरादूनम्, ०५ सेप्टेम्बरमासः (हि.स.)। उत्तराखण्डस्य मुख्यमन्त्री पुष्करसिंहधामी बाबा नीबकरौरीमहाराजस्य आध्यात्मिक-जीवनस्य, भक्तेः सेवाभावस्य च सन्देशमाधारितं ‘हनुमान-अंशः’ चलचित्रं उत्तराखण्डे करमुक्तं कर्तुं घोषणां कृतवान्।

मुख्यमन्त्री चलचित्रस्य विषयवस्तु तथा बाबा नीबकरौरीमहाराजस्य आध्यात्मिक-योगदानं प्रशंसन् अवदत् यत् एतादृशानि चलचित्राणि उत्तराखण्डस्य आध्यात्मिकं सांस्कृतिकं च धरोहरं देशस्य विश्वस्य च जनान् प्रति प्रसारयितुं महत्त्वपूर्णां भूमिकां निर्वहन्ति।

सः अवदत् यत् बाबा नीबकरौरीमहाराजस्य जीवनं मानवतायाः, सेवायाः, भक्तेः आध्यात्मिकचेतनायाश्च सन्देशं ददाति। तस्य जीवनस्य विचाराणां च आधारेण निर्मितं चलचित्रं नववंशं भारतीयायाः आध्यात्मिकपरम्परायाः सेवाभावस्य च परिचयं कारयितुं माध्यमं भविष्यति।

मुख्यमन्त्री अवदत् यत् उत्तराखण्डस्य परिचयः तस्याः समृद्धेन आध्यात्मिकेन, सांस्कृतिकेन धार्मिकेण च धरोहरेण अस्ति। राज्यसर्वकारः तादृशानां प्रयत्नानां प्रोत्साहनाय निरन्तरं प्रयत्नशीलः अस्ति, ये देवभूमेः अस्य धरोहरस्य व्यापकस्तरे प्रकाशनाय सहायकाः भवन्ति।

Hindusthan Samachar / Divya Ranjan