नव टिहरी, 05 सितंबरमासः(हि.स.)।

जनपदस्य सर्वत्र जन्माष्टमी-पर्वः हर्षोल्लासेन धूमधामेन च आचरितः। विभिन्नेषु स्थलेषु श्रीकृष्णस्य राधायाश्च मनोरमाः झाङ्क्यः निष्कासिताः। चम्बायाः पुलिस-लाइन-परिसरे प्रसिद्धयोः लोकगायकयोः किशन-महिपाल-मञ्जू-नौटियालयोः युगलप्रस्तुतौ दर्शकाः रात्रेः विलम्बपर्यन्तं भजनैः गीतैश्च सह नृत्यं कुर्वन्तः दृश्यन्ते स्म।

शुक्रवासरे सायंकाले चम्बायाः पुलिस-परिसरे जन्माष्टमी-पर्वणि भव्यः कार्यक्रमः आयोजितः। विधायकः किशोर-उपाध्यायः, जिलापञ्चायत-अध्यक्षा इशिता-सजवाणः, ब्लॉक-प्रमुखा सुमन-सजवाणः च कार्यक्रमस्य शुभारम्भम् अकुर्वन्। ते अवदन् यत् श्रीकृष्णस्य शिक्षाः स्वजीवने आचरितव्याः।

एसएसपी श्वेता स्वपत्या एसपी-अभिसूचना-मुख्यालयस्य मणिकान्त-मिश्रेण सह परिवारेण परिसरस्थापितस्य लड्डू-गोपालस्य विधिवत् पूजन-अर्चनां कृतवती। श्रीकृष्णस्य दोलां दोलयित्वा जन्मोत्सवस्य परम्परा अपि निर्वाहिता। अस्मिन् अवसरे आकर्षकाः झाङ्क्यः सर्वेषां मनांसि मोहयामासुः।

किशन-महिपालेन भगवान् श्रीकृष्णस्य गाथा, बदरी-विशालः, घुघूती, रानीखेत-राम-ढोला इत्यादीनां प्रस्तुतयः कृताः। मञ्जू-नौटियालेन ‘हे गंगू रमोला’, ‘सूरतू मामा’, ‘दिल्ली से मनाली’ इत्यादीनि मनोहारिणि गीतानि प्रस्तुतानि। ताभिः प्रस्तुतिभिः दर्शकाः नृत्यं कर्तुं विवशाः अभवन्।

इतस्ततः, नवी-टिहरी-नगरस्य नागराज-मन्दिरस्य एफ-ब्लॉक-परिसरे लोकगायकैः रवि-गुसाईं, संगीता-बिजल्वाण, ज्योति-डोभाल, राजेन्द्र-जोषी च भजन-सन्ध्यया जन्माष्टमी-कार्यक्रमः स्मरणीयः कृतः। माता-सुरकण्डा, शिव-भोले, सेम-नागराजा इत्यादीनां प्रस्तुतयः विशेषाकर्षणस्य केन्द्रम् अभवन्।

तथैव प्रतापनगरस्य आबकी-ग्रामे जन्माष्टमी-पर्वणि आयोजिते सांस्कृतिक-कार्यक्रमे जनसमूहो महता उत्साहेन समुपस्थितः। भाजपायाः वरिष्ठनेता तथा चार्टर्ड-अकाउन्टेन्ट् राजेश्वर-पैन्यूली श्रीकृष्णस्य सिद्धान्तानाम् अनुसरणं कृत्वा अग्रे गन्तुम् आह्वानं कृतवान्।

Hindusthan Samachar / Dheeraj Maithani