Enter your Email Address to subscribe to our newsletters
कोलकाता, 06 सितंबरमासः (हि. स.)।
बागेश्वरधामपीठाधीश्वरः पण्डितधीरेन्द्रकृष्णशास्त्री सम्प्रति पश्चिमबङ्गालस्य यात्रायां वर्तते। अस्याः यात्रायाः समये शनिवासरे तेन पश्चिमबङ्गालस्य मुख्यमन्त्री शुभेन्दुअधिकारी इत्यनेन सह भेटवार्ता कृता। इयं भेटवार्ता कोलकातानगरे स्थिते मुख्यमन्त्रिणः आवासे अभवत्, यत्र मुख्यमन्त्रिणा तस्य सम्मानार्थं रात्रिभोजस्य अपि आयोजनं कृतम्।
मेलनवार्तायाः समये मुख्यमन्त्री शुभेन्दुअधिकारी पण्डितधीरेन्द्रकृष्णशास्त्रिणः स्वागतं कृत्वा तेन सह विभिन्नविषयेषु वार्तालापं कृतवान्। धीरेन्द्रकृष्णशास्त्रिणः पश्चिमबङ्गालभ्रमणं मुख्यमन्त्रिणा सह तस्य भेटवार्ता च राजनैतिकधार्मिकयोः उभयोः दृष्टिकोणयोः महत्वपूर्णा मन्यते।
एतत्पूर्वं हावड़ानगरे आयोजितायां हनुमन्तकथायाम् अपि मुख्यमन्त्री शुभेन्दुअधिकारी पण्डितधीरेन्द्रकृष्णशास्त्रिणः कार्यक्रमे समागतवान् आसीत्। मञ्चात् मुख्यमन्त्रिणा पश्चिमबङ्गाले सामाजिकसामञ्जस्यस्य धार्मिकचेतनायाश्च वर्धनाय मार्गदर्शनं दातुं तस्मै आग्रहः कृतः आसीत्।
भेटवार्तायाः समये पश्चिमबङ्गाले बागेश्वरधामसम्बद्धस्य कस्यचित् केन्द्रस्य स्थापनां प्रति अपि चर्चा अभवत्। मुख्यमन्त्री शुभेन्दुअधिकारी इत्यस्य कथनानुसारं बङ्गाले अपि बागेश्वरधामस्य एकं केन्द्रं भवितव्यम्।
अपरत्र हावड़ायाः कार्यक्रमे मुख्यमन्त्रिणा पण्डितधीरेन्द्रकृष्णशास्त्रिणः बङ्गाले सामाजिकधार्मिकचेतनायाः सुदृढीकरणे मार्गदर्शनं दातुं आग्रहः कृतः आसीत्। अतः इयं भेटवार्ता केवलं शिष्टाचारभेटरूपेण सीमिता नासीत् इति चर्चायाः बलं प्राप्तम् अस्ति।
समग्रतया बागेश्वरधामपीठाधीश्वरस्य पण्डितधीरेन्द्रकृष्णशास्त्रिणः मुख्यमन्त्रिणः शुभेन्दुअधिकारिणः च इयं भेटवार्ता पश्चिमबङ्गाले धार्मिकसामाजिकगतिविधीनां दृष्ट्या चर्चायाः विषयः अभवत्। मुख्यमन्त्रिणः आवासे आयोजितं रात्रिभोजं तयोः मध्ये सम्पन्ना वार्ता च अस्याः मेलनवार्तायाः महत्त्वं अधिकं वर्धितवती।
---------------
Hindusthan Samachar / Dheeraj Maithani