नवदिल्ली, ०६ सेप्टेम्बरमासः (हि.स.)। कांग्रेसदलस्य पूर्वाध्यक्षः लोकसभायां च विपक्षनेता राहुलगान्धी महाराष्ट्रे छात्रैः प्रचलितस्य आन्दोलनस्य समर्थनं कुर्वन् उक्तवान् यत् वीथिषु आन्दोलनं कुर्वतां सहस्राणां छात्राणां समस्या केवलं कस्यचित् एकस्य परीक्षायाः वा नियुक्तेः वा विषये नास्ति, अपि तु सा सम्पूर्णव्यवस्थायाः विषये भग्नविश्वासस्य परिणामः अस्ति। सः उक्तवान् यत् छात्राणां प्रत्येकां याचनां तेषां सफलभविष्याय न्याय्यम् अस्ति तथा च सर्वकारेण तेषां स्वरं श्रुत्वा तत्कालं कार्यवाही कर्तव्या।

राहुलगान्धी सामाजिकमाध्यमे ‘एक्स’ इत्यत्र उक्तवान् यत् महाराष्ट्रे सहस्राणि छात्राः शान्तिपूर्वकं आन्दोलनं कुर्वन्ति। केन्द्रस्य राज्यस्य च भाजपासर्वकाराभ्यां छात्राः पीडिताः सन्ति। परीक्षापत्राणां लीक्-करणम्, स्थगिताः नियुक्तयः, शिक्षायाः वर्धमानः व्ययः, छात्रावासेषु अमानवीयाः परिस्थितयः, निकृष्टं भोजनम्, प्रत्यक्षलाभहस्तान्तरणे कथितं वञ्चनम् इत्यादिभिः समस्याभिः छात्राः संघर्षं कुर्वन्ति। महाराष्ट्रलोकसेवायोगः इव संवैधानिकसंस्थायाः विश्वसनीयतां प्रति प्रश्नं उत्थापयन् सः उक्तवान् यत् संस्थायाः अधिग्रहणं कृत्वा तस्याः विश्वसनीयतायाः हानिः कृता अस्ति।

राहुलगान्धी सर्वकारात् छात्राणां मागेषु तत्कालं कार्यवाहीं कर्तुं आग्रहं कृतवान्। सः उक्तवान् यत् यदि छात्राणां स्वरः न श्रूयते तर्हि न्यायप्राप्तिपर्यन्तं तेषाम् आन्दोलनस्य प्रतिध्वनिः अधिकाधिकं तीव्रा भविष्यति।

Hindusthan Samachar / Divya Ranjan