अभिनेता मनोजबाजपेयी शीघ्रमेव चलचित्रपटले महात्मागान्धिनः भूमिकायां दृश्यन्ते। सुधीरमिश्रस्य निर्देशनं यत्र भवति तस्य आगामी ऐतिहासिकनाट्यचलचित्रस्य प्रथमस्वरूपं प्रकाशितम् अस्ति। चित्रे मनोजबाजपेयी गान्धिरूपेण पूर्णतया परिवर्तिताः दृश्यन्ते। तेषां स्वरूपस्य सहैव देहभाषायामपि गान्धिजीवनस्य झलकं दृश्यते। प्रथमस्वरूपस्य प्रकाशनानन्तरं सामाजिकमाध्यमेषु चलचित्रस्य अभिनेतुः च रूपान्तरणं प्रति चर्चा तीव्रा अभवत्।

चलचित्रस्य कथा स्वातन्त्र्यसङ्ग्रामस्य कालखण्डसम्बद्धस्य एकविंशतिदिनानां अल्पचर्चितस्य घटनाक्रमस्य आधारेण निर्मिता इति कथ्यते। मनोजबाजपेयी प्रथमवारं महात्मागान्धिनः भूमिकां निर्वहन्ति, अतः तेषां स्वरूपं प्रति आरम्भादेव दर्शकेषु उत्सुकता आसीत्। प्रकाशिते चित्रे तेषाम् गम्भीरं स्वरूपं पात्राय कृतं रूपान्तरणं च विशेषतया ध्यानम् आकर्षति। अस्मिन् परियोजने तैः सह अभिनेता सौरभशुक्लः अपि महत्त्वपूर्णां भूमिकां निर्वक्ष्यति। चलचित्रस्य निर्देशनस्य दायित्वं सुधीरमिश्रेण स्वीकृतम् अस्ति, येषां परिचयः हजारों ख्वाहिशें ऐसी तथा धारावी इत्यादीनां चलचित्राणां निर्देशनाय अस्ति।

अस्य चलचित्रस्य कृते हिन्दीचलचित्रजगतः अनेकाः अनुभवी नामानि एकत्र आगतानि सन्ति। अनुभवसिन्हा तथा नरेन्द्रहिरावतः बनारसमीडियावर्क्स इति संस्थायाः आधारेण चलचित्रस्य निर्माणं कुर्वतः सन्ति, यदा एनएचस्टूडियोज् इदं प्रस्तुतं करोति। अनुभवसिन्हा निर्माता रूपेण मुल्क, आर्टिकल १५ तथा थप्पड़ इत्यादिभिः चलचित्रैः सम्बद्धाः अभवन्। महात्मागान्धिसदृशस्य ऐतिहासिकव्यक्तित्वस्य भूमिकायां मनोजबाजपेयीस्य दर्शनं तथा सुधीरमिश्रस्य निर्देशनं च चलचित्रं प्रति दर्शकाणाम् उत्सुकतां वर्धयति।

Hindusthan Samachar / Dheeraj Maithani