Enter your Email Address to subscribe to our newsletters
बाढ्यां औषधानि प्रवाहितानि भूत्वा पीडितेभ्यः वृद्धेभ्यः नुवाकोटे निःशुल्कचिकित्सा औषधानि च प्राप्तानि
काठमाण्डुः, 06सितम्बरमासः। (हि.स.) नेपालदेशे बाढ्याः कारणेन नियमितरूपेण सेवितानि औषधानि नष्टवतां वृद्धानां कृते नुवाकोटे निःशुल्कस्वास्थ्यशिविरस्य आयोजनं कृतम्। अस्मिन् शिविरे द्विशतं जनाः स्वास्थ्यसेवानां लाभं प्राप्तवन्तः।
सेवाइण्टरनेशनल् तथा नेपालसीएमएकसंघस्य संयुक्तप्रयासेन शनिवासरे आयोजिते शिविरे एकशतैकवृद्धेभ्यः स्वास्थ्यसेवा प्रदत्ता। तेषु अष्टचत्वारिंशत् महिलाः त्रिपञ्चाशत् पुरुषाश्च आसन्।
नेपालदेशे जातायां भीषणबाढ्यां मधुमेहस्य, रक्तचापस्य, असंक्रामकरोगाणां तथा अन्यदीर्घकालिकव्याधीनां नियमितौषधानि प्रवाहितानि आसन्। एतादृशानां प्रभावितवृद्धानां कृते शिविरे स्वास्थ्यपरीक्षणं, विशेषज्ञचिकित्सकानां परामर्शः, आवश्यकौषधानि च उपलब्धानि कृतानि।
शिविरे वृद्धैः सम्बद्धानां विविधरोगाणां परीक्षणेन सह अस्थिरोगचिकित्सा, हृदयरोगचिकित्सा तथा दन्तचिकित्सासम्बन्धिसेवाः अपि प्रदत्ताः।
बाढ्याः अनन्तरं मानसिकतनावेन पीडितानां परिवाराणां स्थितिं दृष्ट्वा पञ्चविंशतिवृद्धेभ्यः तेषां परिजनेभ्यश्च तनावप्रबन्धनस्य मनोसामाजिकपरामर्शस्य च सेवा अपि प्रदत्ता।
अतिरिक्तं बाढप्रभावितक्षेत्रेषु राहतकार्ये उद्धारकार्ये च नियोजितस्य नेपालीसेनायाः सशस्त्रप्रहरीबलस्य च आधारकेन्द्रेभ्यः कतिपयानि आवश्यकानि जीवनरक्षकाणि महत्त्वपूर्णानि च औषधानि अपि उपलब्धानि कृतानि।
Hindusthan Samachar / Dheeraj Maithani