मण्डी, ०६ सेप्टेम्बरमासः (हि.स.)। मण्डीजनपदस्य तुंगलक्षेत्रे सेहलीस्थे प्रसिद्धे शक्तिपीठे माता बगलामुखीमन्दिरे सेहली इत्यत्र वार्षिकीजाग इति १४ सेप्टेम्बरमासे महता सोत्साहेन आयोजिता भविष्यति। अस्मिन् जाग इत्यस्मिन् देवतानां डायनीनां च मध्ये सम्पन्नस्य युद्धस्य विस्तृतं वर्णनं भविष्यति। आगामिकालः कथं भविष्यति इति भविष्यवाणी अपि जागायाः माध्यमेन मातु: बगलामुख्याः गुरुणा करिष्यते।

मन्दिरे जाग इत्यस्य आयोजनस्य सज्जताः आरब्धाः सन्ति। अस्य विषये मन्दिरस्य पुजारी अमरजीतशर्मा अवदत् यत् अस्मिन्नवसरे मन्दिरसमित्या १४ सेप्टेम्बरमासे सायं पञ्चवादनतः रात्रौ दशवादनपर्यन्तं भण्डारस्य आयोजनं कृतम् अस्ति, यस्मिन् सर्वे श्रद्धालवः प्रसादं स्वीकर्तुं शक्नुवन्ति। तदनन्तरं रात्रौ अष्टवादनतः प्रातःकालपर्यन्तं विविधाः भजनमण्डल्यः मातुः महिम्नः गुणगानं करिष्यन्ति, येन वातावरणं भक्तिमयं भविष्यति। रात्रौ द्वादशवादने विशेष-पूजार्चनया सह जाग इत्यस्य मुख्यप्रक्रिया आरप्स्यते।

अस्य जाग इत्यस्य विशेषं महत्त्वम् अस्ति। अस्यां देवतानां डायनीनां च मध्ये सम्पन्नस्य युद्धस्य विस्तृतं वर्णनं क्रियते तथा युद्धेन उत्पन्नानां दुष्प्रभावाणां निवारणस्य उपायाः अपि कथ्यन्ते। अस्यां जागायां यः कश्चित् भागं गृह्णाति, तस्य सर्वाः मनोकामनाः माता बगलामुखी पूर्णाः करोति।

ज्ञातव्यं यत् माता बगलामुखी दश-महाविद्यासु अन्यतमा अस्ति तथा तन्त्रसाधनायां तस्याः विशेषं स्थानम् अस्ति। पुजारी अमरजीतशर्मा सर्वान् श्रद्धालून् आग्रहं कृतवान् यत् ते अधिकाधिकसंख्यया समुपस्थिताः भूत्वा अस्य दिव्यजाग इत्यस्य लाभं गृह्णन्तु।

Hindusthan Samachar / Divya Ranjan