गुवाहाटी, ०६ सेप्टेम्बरमासः (हि.स.)। उपराष्ट्रपतिः सी.पी. राधाकृष्णन् रविवासरे गुवाहाटीस्थे श्रीमन्तशङ्करदेवकलाक्षेत्रे आयोजिते गीतानगरमहाविद्यालयस्य स्वर्णजयन्तीसमारोहे भागं गृहीतवान्। अस्मिन् अवसरे तेन उपस्थितेभ्यः जनेभ्यः नशाविरोधे शपथं कारिता तथा युवभ्यः नशात् दूरं स्थित्वा स्वस्थसमाजस्य निर्माणे योगदानं कर्तुम् आह्वानं कृतम्।

उपराष्ट्रपतिः स्वीयसम्बोधने नशायाः दुष्प्रभावान् प्रति चिन्तां प्रकटयन् युवभ्यः तस्मात् दूरं स्थातुम् आह्वानं कृतवान्। तेन उक्तं यत् नशामुक्तसमाजस्य निर्माणे यूनां भूमिका महत्त्वपूर्णा अस्ति।

उपराष्ट्रपतिः असमप्रदेशं समृद्ध-सांस्कृतिकपरम्परां परम्पराणां च भूमिं वर्णयन् शिक्षायाः परिवर्तन-कारीभूमिकायाः महत्त्वं प्रतिपादितवान्। तेन उक्तं यत् उच्चशिक्षणसंस्थानानां उद्देश्यं केवलं छात्रान् वृत्तिजीवनाय सज्जीकर्तुमेव न भवेत्, अपि तु तान् लोकतन्त्रस्य, संवैधानिकमूल्यानां, सामाजिकदायित्वस्य राष्ट्रनिर्माणस्य च प्रति प्रतिबद्धान् उत्तरदायिनः नागरिकान् अपि निर्मातव्यम्।

अस्मिन् अवसरे तेन गीतानगर-महाविद्यालयस्य नूतनस्य शैक्षणिक-भवनस्य उद्घाटनमपि कृतम्।

उल्लेखनीयं यत् गीतानगरमहाविद्यालयं कन्यामहाविद्यालयस्य नाम्नापि प्रसिद्धम् अस्ति।

Hindusthan Samachar / Divya Ranjan