- उप मुख्यमंत्री अवैधमदिराप्रभावितानां स्वास्थ्य सुविधानां कार्यवाह्याः समीक्षा कृता

भोपालम्, 07 सितम्बरमासः (हि.स.)।

मध्यप्रदेशस्य सागरजनपदस्य बण्डाक्षेत्रे अवैधमद्यस्य विषाक्तमद्यस्य च सेवनात् प्रभावितानां रोगिणां विषये उपमुख्यमन्त्री तथा जनपदस्य प्रभारीमन्त्री राजेन्द्रशुक्लः सोमवासरे बुन्देलखण्डचिकित्सामहाविद्यालयस्य सागरस्य सम्मेलनकक्षे प्रभावितेभ्यः प्रदीयमानानां स्वास्थ्यसुविधानां पुलिस-प्रशासनयोः कृतेन कार्यवाहीणां च विस्तृतां समीक्षां कृतवान्।

उपमुख्यमन्त्री शुक्लः कठोरनिर्देशान् दत्त्वा अवदत् यत् जनपदे अवैधमद्यस्य विक्रये पूर्णतया प्रतिबन्धः स्थापनीयः। सर्वासां मद्यविक्रयशालानां परीक्षणं, तासां मद्यसञ्चयस्य निरीक्षणं तथा अवैधव्यापारस्य गहनतया अन्वेषणं क्रियताम्। उपमुख्यमन्त्री शुक्लः अवदत् यत् ये अधिकारी-कर्मचारिणः प्रमादं करिष्यन्ति, तेषां विरुद्धं उत्तरदायिनां च विरुद्धं कठोरकार्यवाही क्रियते। मुख्यमन्त्री डॉ. मोहनयादवः सम्पूर्णप्रकरणे दृष्टिं स्थापयति तथा निरन्तरं निरीक्षणं क्रियते। तेन पुलिस-अधीक्षकाय जनपदस्य पुलिसप्रशासने व्यवस्थां सुदृढां कर्तुं तथा नशामुक्त्यभियानं प्रभाविरूपेण सञ्चालयितुं निर्देशाः दत्ताः।

जिलाधीशा प्रतिभापालः अवदत् यत् अवैधमद्येन प्रभाविताः कुलम् चतुरशीतिः रोगिणः सम्प्रति चिकित्साधीनाः सन्ति। तेषु नवपञ्चाशत् रोगिणः बुन्देलखण्डचिकित्सामहाविद्यालये, सप्तदश रोगिणः जनपदचिकित्सालये तथा सप्त रोगिणः बण्डासिविलचिकित्सालये प्रवेशिताः सन्ति। एकः गम्भीरः रोगी वायुयानद्वारा भोपालस्थिते अखिलभारतीयायुविज्ञानसंस्थाने प्रेषितः अस्ति। अधिकांशरोगिणां अवस्था अधुना स्थिरा अस्ति तथा सर्वेभ्यः आवश्यकौषधानि, रक्तशोधनस्य सुविधा, परीक्षणसुविधाश्च प्राथमिकतया उपलब्धाः क्रियन्ते। विषाक्तमद्यस्य स्रोतसः अन्वेषणं क्रियते। प्रारम्भिकान्वेषणे स्पष्टं जातं यत् एषा मद्या बहिः निर्माय आपूर्तिता, यस्मिन् मेथेनॉल्-मिश्रणं प्राप्तम् अस्ति।

पुलिस-अधीक्षकः अनुरागसुजानियाः अवदत् यत् प्रकरणः बण्डापुलिसस्थानके पञ्जीकृतः अस्ति। प्रकरणे भारतीयन्यायसंहितायाः तथा मध्यप्रदेशआबकारीअधिनियमस्य १९१५ इत्यस्य विभिन्नानां प्रावधानानाम् अन्तर्गतं विंशत्यधिकानां अभियुक्तानां विरुद्धं नामनिर्दिष्टः अपराधः पञ्जीकृतः तथा अन्वेषणं प्रारब्धम्। तेषाम् उपरि अवैधलाभस्य उद्देश्येन संदिग्धस्य कूटमद्यस्य अवैधमद्यस्य च निर्माणे, आपूर्तौ विक्रये च संलग्नत्वस्य आरोपाः सन्ति।

तदतिरिक्तं विनायकापुलिसस्थानेऽपि दशानाम् अभियुक्तानां विरुद्धं नामनिर्दिष्टं प्रकरणं पञ्जीकृत्य अन्वेषणं प्रारब्धम् अस्ति तथा कार्यवाही क्रियते। तेन उक्तं यत् प्रकरणस्य गम्भीरतां दृष्ट्वा तत्क्षणमेव विशेषपुलिसदलानि गठितानि सन्ति। पुलिसदलैः विभिन्नेषु सम्भावितस्थलेषु निरन्तरं दबिशः प्रदीयते। विंशतिनामनिर्दिष्टेषु अभियुक्तेषु अद्यावधि दश अभियुक्ताः अभिरक्षायां गृहीताः सन्ति, तेषां गहनतया पृच्छा क्रियते। तेन उक्तं यत् अवैधमद्यस्य स्रोतसः अन्वेषणं तथा संलिप्तानाम् अपराधिनां निरन्तरं ग्रहणकार्यं प्रचलति।

डॉ. सौरभजैनः अवदत् यत् प्रभावितरोगिणां चिकित्सा लक्षणानां तीव्रतायाः अनुसारं क्रियते। प्रभावितरोगिणाम् आगमनस्य दरः न्यूनीभूता अस्ति तथा गम्भीररोगिणां रक्तशोधनप्रक्रिया निरन्तरं प्रचलति।

बीएमसी-मध्ये रोगिणां स्वास्थ्यस्य निरीक्षणं कृत्वा परिजनेभ्यः सान्त्वना

उपमुख्यमन्त्री शुक्लः रविवासरे पीडितानां स्वास्थ्यस्य सूचनां प्राप्तुं सागरस्थितं बुन्देलखण्डचिकित्सामहाविद्यालयं गतवान्। शुक्लः बीएमसी-संस्थायाः अतिदक्षताविभागे तथा गम्भीरचिकित्साविभागेषु प्रवेशितानां चिकित्साधीनरोगिणां समीपं गत्वा तैः सह संवादं कृतवान् तथा तेषां स्वास्थ्यस्थितेः विषये जानकारीं प्राप्तवान्। तत्र उपस्थितैः रोगिणां परिजनैः सहापि तेन चर्चा कृता, तेभ्यः सान्त्वना प्रदत्ता तथा आश्वासनं दत्तं यत् राज्यसर्वकारः अस्मिन् कठिनसमये पूर्णतया तेषां सह स्थितः अस्ति।

तेन अवदत् यत् पीडितानां चिकित्सायां कस्यापि प्रकारस्य प्रमादः न सहिष्यते। सर्वेभ्यः रोगिभ्यः गुणवत्तापूर्णा सर्वोत्तमा सम्भाव्यचिकित्सा प्रदीयताम्। आवश्यकतायां विशेषज्ञचिकित्सकानां दलं चतुर्विंशतिः घण्टाः तैनातं भवेत् तथा औषधानां संसाधनानां च कापि न्यूनता न भवेत्।

निरीक्षणसमये सागरस्य विधायकः शैलेन्द्रजैनः, बण्डायाः विधायकः वीरेन्द्रसिंहः, आयुक्तः अनिलसुचारी, उपमहानिरीक्षकः शशीन्द्रचौहानः, जिलाधीशा प्रतिभापालः, पुलिस-अधीक्षकः अनुरागसुजानियाः, बीएमसी-संस्थायाः प्रभारी-अधिष्ठाता डॉ. गङ्गवानी, आपत्कालीनचिकित्साविभागस्य डॉ. सौरभजैनः इत्यादयः अन्ये जनप्रतिनिधयः प्रशासनिकाधिकारिणश्च उपस्थिताः आसन्।

---------------

Hindusthan Samachar / Dheeraj Maithani