बेंगलुरुः, 07 सितंबरमासः (हि.स.)।

सर्जियो गोरः वाणिज्यिक-अन्तरिक्षक्षेत्रे भारत-अमेरिकयोः सहयोगस्य विस्तारस्य आवश्यकतायां बलं दत्तवान्भारते अमेरिकादेशस्य राजदूतः सर्जियो गोरः वाणिज्यिक-अन्तरिक्षक्षेत्रे भारत-अमेरिकयोः मध्ये सहयोगस्य अवसरानां च अधिकविस्तारस्य आवश्यकतायां बलं दत्तवान्। सः सोमवासरे बेङ्गलूरुनगरे आयोजितस्य बेङ्गलूरु-अन्तरिक्ष-प्रदर्शनीकार्यक्रमस्य अमेरिकी-मण्डपस्य उद्घाटनं कृतवान्।

अस्मिन् अवसरे सः उक्तवान् यत् वाणिज्यिक-अन्तरिक्षक्षेत्रे अमेरिकादेशस्य क्षमतायाः नेतृत्वस्य च प्रदर्शनस्य अवसरः प्राप्तुं महत्त्वपूर्णम् अस्ति। गोरः उक्तवान् यत् उपग्रह-एकीकरणात् आरभ्य उन्नत-प्रौद्योगिकीपर्यन्तं अमेरिकी-नवाचाराः नवीनानां विपणीनां द्वाराणि उद्घाटयन्ति।

तेन उक्तं यत् एतेन वैश्विक-वाणिज्यिक-विकासस्य गतिः वर्धते तथा च उच्चमूल्ययुक्तानां अमेरिकी-निर्यातानाम् अपि प्रोत्साहनं भवति। सः अवदत् यत् अन्तरिक्षं सम्प्रति केवलं राष्ट्रिय-गौरवस्य विषयः न अवशिष्टः, अपितु एकविंशतितमस्य शतकस्य वैश्विक-अर्थव्यवस्थायाः प्रमुखं प्रेरक-तत्त्वं जातम् अस्ति।

गोरस्य अनुसारं भारतस्य अमेरिकादेशस्य च वाणिज्यिक-अन्तरिक्षक्षेत्रयोः नवाचारस्य प्रोत्साहने, महत्त्वपूर्णानां आपूर्ति-शृङ्खलानां सुदृढीकरणे तथा उभयोः देशयोः वाणिज्यिक-अन्तरिक्षक्षेत्रयोः नूतनानाम् अवसरानां विस्तारस्य दिशि ‘ट्रस्ट’ इति उपक्रमः महत्त्वपूर्णां भूमिकां निर्वहति।

---------------

Hindusthan Samachar / Dheeraj Maithani