Enter your Email Address to subscribe to our newsletters
रायपुरम्, 07 सितंबरमासः (हि.स.)।
राज्यपालः रमेन् डेका सोमवासरे लोकभवने स्थिते छत्तीसगढ-मण्डपम् इत्यत्र न्यायाधिपतिं कृष्णराम-महापात्रं छत्तीसगढ-उच्चन्यायालयस्य मुख्यन्यायाधीशपदस्य शपथं अकारयत्। ततो पूर्वं न्यायमूर्तिः महापात्रः ओडिशा-उच्चन्यायालयस्य वरिष्ठन्यायाधीशरूपेण कार्यरतः आसीत्।
शपथग्रहणानन्तरं राज्यपालः मुख्यन्यायाधीशाय कृष्णराम-महापात्राय राष्ट्रपतिना निर्गतस्य मूल-वारण्टस्य प्रतिलिपिं समर्पितवान् तथा पदभारग्रहणाय तस्मै बधाईम् शुभकामनाञ्च अयच्छत्।
अस्मिन् अवसरे मुख्यमन्त्री विष्णुदेवसायः, उपमुख्यमन्त्री विजयशर्मा, विद्यालयशिक्षामन्त्री गजेन्द्रयादवः, स्वास्थ्य-मन्त्री श्यामबिहारी-जायसवालः, केन्द्रीय-कृषि-राज्यमन्त्री तोखनसाहुः, पूर्वमुख्यमन्त्री भूपेशबघेलः, पूर्वराज्यपालः रमेशबैसः, राज्यसभासांसद् लक्ष्मीवर्मा, विधायकौ सुनीलसोनी तथा अनुजशर्मा इत्यादयः अनेके जनप्रतिनिधयः उपस्थिताः आसन्।
समारोहे मुख्यन्यायाधीशस्य महापात्रस्य धर्मपत्नी अनिता-महापात्रा सहितं छत्तीसगढ-उच्चन्यायालयस्य न्यायाधीशाः अपि उपस्थिताः आसन्। प्रदेशस्य मुख्यसचिवः विकासशीलः राष्ट्रपतिना निर्गतस्य वारण्टस्य वाचनं कृत्वा शपथग्रहणसमारोहस्य संचालनमकरोत्।
अस्मिन् अवसरे अपरमुख्यसचिवः सुब्रतसाहुः, गृहविभागस्य प्रमुखसचिवा निहारिका-बारिक्, पुलिस-महानिदेशकः अरुणदेवगौतमः, राज्यपालस्य सचिवः डॉ. सी.आर. प्रसन्नः, महाधिवक्ता विवेकशर्मा, उच्चन्यायालय-बिलासपुरस्य रजिस्ट्रार-जनरलः रजनीशश्रीवास्तवः इत्यादयः राज्यशासनस्य वरिष्ठाः अधिकारिणः तथा उच्चन्यायालयस्य अधिवक्तारः उपस्थिताः आसन्।
उल्लेखनीयं यत् न्यायमूर्तिः कृष्णराम-महापात्रः छत्तीसगढ-उच्चन्यायालयस्य षोडशतमः मुख्यन्यायाधीशः भविष्यति।
---------------