नवदिल्ली, ०७ सितम्बरमासः (हि.स.)। भारतीयजनतापक्षस्य राष्ट्रियाध्यक्षः नितिननवीनः बुधवासरात् ९ सितम्बरतः उत्तराखण्डस्य द्विदिवसीयप्रवासे भविष्यति। अस्मिन् प्रवासे सः पक्षस्य सङ्घटनं सुदृढं कर्तुं विभिन्नानां उच्चस्तरीयसभानाम् अध्यक्षतां करिष्यति। युवभिः सह संवादं करिष्यति तथा पूर्वसैनिकैः पञ्जाबीसमुदायेन च आयोजितेषु विशेषकार्यक्रमेषु भागं गृह्णीयात्।

प्रवासस्य प्रथमदिने सः नैनीतालं प्राप्य पक्षकार्यकर्तृभिः स्वागतं प्राप्स्यति। अनन्तरं रुद्रपुरे विस्तारितायाः प्रदेशकार्यसमित्याः सभायां सम्बोधनं करिष्यति। सभायां सङ्घटनस्य प्राथमिकताः, जनकल्याणनीतीनां प्रचारः तथा पक्षस्य गतिविधीनां बूथस्तरपर्यन्तं सुदृढीकरणम् इत्यादिषु विषयेषु चर्चा भविष्यति। सायं सः प्रदेशपदाधिकारिभिः सह समीक्षासभां तथा प्रदेशस्य कार्यकारिणीसमित्याः सभां करिष्यति।

प्रवासस्य द्वितीयदिने राष्ट्रियाध्यक्षः हल्द्वानीस्थे प्रसिद्धे महालक्ष्मीमन्दिरे दर्शनं पूजनं च करिष्यति। ततः रुद्रपुरे ‘युवासंवाद’ कार्यक्रमे प्रतिभाशालीयुवभिः सह संवादं करिष्यति। अनन्तरं हल्द्वानीस्थे शहीदस्मारके वीरसैनिकेभ्यः श्रद्धाञ्जलिं समर्पयिष्यति तथा पूर्वसैनिकसम्मेलने भागं गृहीत्वा पूर्वसैनिकानां शौर्यं बलिदानं राष्ट्रसेवां च प्रति कृतज्ञतां प्रकटयिष्यति।

Hindusthan Samachar / Divya Ranjan