Enter your Email Address to subscribe to our newsletters
काठमांडूः, 07 सितंबरमासः (हि.स.)।
नेपालस्य राष्ट्रपतिना रामचन्द्रपौडलेन भोटेकोशीजलाप्लावनेन प्रभावितस्य नुवाकोटजनपदस्य विभिन्नक्षेत्राणां भ्रमणं कृत्वा परिस्थितेः निरीक्षणं कृतम्। अस्मिन् अवसरे राष्ट्रपतिं पौडलं प्रति जनपदविपद्व्यवस्थापनसमित्याः प्रभावितक्षेत्रेषु प्रचलद्भ्यः अन्वेषणरक्षणाभियानेभ्यः, राहतवितरणाय, आश्रयकेन्द्राणां व्यवस्थापनाय तथा पुनर्वासप्रयासेभ्यश्च सम्बद्धाः सूचनाः प्रदत्ताः।
मुख्यजनपदाधिकारी शम्भुप्रसादरेग्मी तथा समितेः अन्यैः सदस्यैः राष्ट्रपतये जनपदे जलाप्लावनेन जाता जनधनक्षतिः विषये सूचना प्रदत्ता। रेग्मी महोदयेन अन्वेषणरक्षणकार्यस्य, राहतवितरणस्य, प्रभावितसमुदायानां पुनर्वासस्य तथा शीघ्रपुनर्निर्माणस्य कृते क्रियमाणानां प्रयासानां विषये अपि अवगतं कारितम्।
राष्ट्रपतिना पौडलेन विदुरनगरपालिकायाः द्वितीयप्रभागे स्थितस्य क्रीडाङ्गणस्य सभागारे निर्मितस्य आश्रयकेन्द्रस्य अपि निरीक्षणं कृतम्। तत्र तेन रसुवा नुवाकोटयोः बाढ्प्रभावितैः जनैः सह मिलित्वा वार्तालापः कृतः, ये अस्मिन् केन्द्रे आश्रयं गृहीत्वा निवसन्ति। वार्तालापसमये प्रभावितजनैः विनाशकारिण्या भोटेकोशीबाढ्या जातस्य नुकसानस्य विध्वंसस्य च विषये राष्ट्रपतये सूचना प्रदत्ता।
तेषैः सर्वकारेण सम्बन्धितसंस्थाभिश्च अन्वेषणरक्षणकार्यं, राहतवितरणं पुनर्वासकार्यं च शीघ्रतया कर्तुं तथा भविष्ये एतादृशीभ्यः आपद्भ्यः निवारणाय सज्जतां अधिकं सुदृढां कर्तुं च आग्रहः कृतः।
---------------
Hindusthan Samachar / Dheeraj Maithani