नव दिल्ली, 07 सितंबरमासः (हि.स.)।

प्रधानमन्त्री नरेन्द्रमोदी मङ्गलवासरे गुजरात-महाराष्ट्रयोः यात्रां करिष्यति। अस्मिन् अवसरे सः गुजरातस्य वडोदरा-नगरे पञ्चत्रिंशत्-सहस्रकोटि-रूप्यकाणाम् अधिकमूल्यानां विकास-परियोजनानां शिलान्यासम् उद्घाटनं च करिष्यति। ततः मुम्बई-नगरे ग्लोबल-फिनटेक-फेस्ट्-द्विसहस्रषड्विंशतेः उद्घाटनं कृत्वा सभां सम्बोधयिष्यति।

प्रधानमन्त्रि-कार्यालयस्य अनुसारं प्रधानमन्त्री सितम्बर-मासस्य अष्टमे दिवसे मध्याह्नसमये प्रायः द्वादशवादने वडोदरानगरे विभिन्नानां विकास-परियोजनानां शिलान्यासम्, उद्घाटनं राष्ट्राय समर्पणं च करिष्यति। एतेषु पश्चिम-समर्पित-मालवाहक-गलियारेस्य त्रयः महत्त्वपूर्णाः खण्डाः राष्ट्राय समर्पयिष्यन्ति इति प्रमुखम् अस्ति। त्रिशत-द्वाविंशत्यधिक-त्रिशत-किलोमीटर्-दीर्घानां एतेषां खण्डानां निर्माणे विंशति-सहस्र-सप्तशताधिक-कोटि-रूप्यकाणां व्ययः अभवत्। एतेषु साणन्द-उत्तर-मकरपुरा, नव-उमरगाम-नव-सफाले तथा नव-सफाले-जेएनपीटी इति खण्डाः सम्मिलिताः सन्ति।

एतेषां खण्डानां प्रारम्भेन समर्पित-मालवाहक-गलियारा-जालं स्वस्य सम्पूर्ण-दीर्घतायां सञ्चालनाय सज्जं भविष्यति। जेएनपीए-स्थानकात् प्रत्यक्ष-रेल-सम्पर्केन आयात-निर्यात-वस्तूनां द्रुतगत्या परिवहनं सम्भविष्यति। अनेन औद्योगिक-केन्द्राणां बन्दरगाहानां च मध्ये सम्पर्कः सुदृढः भवितुं, रसद-व्ययः न्यूनीकर्तुं तथा मुम्बई-रेल-जाले दबावः न्यूनीकर्तुं च अपेक्षा अस्ति।

प्रधानमन्त्री नव-साणन्द-उत्तरात्, नव-मकरपुरात्, नव-उमरगामात् तथा नव-जेएनपीटी-मुम्बईतः मालवाहक-रेलयान-सेवानाम् अपि हरित-ध्वजं प्रदर्शयिष्यति। तदतिरिक्तं वडोदरातः टाण्डा-मार्गस्य मध्ये नूतनां रेलयान-सेवाम् अपि प्रारभयिष्यति, येन वडोदरा, छोटा-उदयपुर तथा अलीराजपुर-मण्डलानां जनाः लाभान्विताः भविष्यन्ति।

प्रधानमन्त्री छोटा-उदयपुर-धार-परियोजनायाः अन्तर्गतं निर्मितां जोबाट-टाण्डा-मार्गस्य नूतनां रेल-रेखाम् अपि राष्ट्राय समर्पयिष्यति। एषा रेल-रेखा अलीराजपुरस्य दूरस्थेषु आदिवासी-क्षेत्रेषु स्थितान् जनपदान् राष्ट्रिय-रेल-जालेन सह संयोजयिष्यति।

प्रधानमन्त्री त्रयाणां रेल-परियोजनानां शिलान्यासं करिष्यति, येषां संयुक्त-दीर्घता त्रिशत-एकोनत्रिंशत् किलोमीटर् अस्ति तथा च निर्माण-व्ययः नव-सहस्र-सप्तशताधिक-कोटि-रूप्यकाणि भविष्यति। एतेषु वडोदरा-रतलाम-तृतीय-चतुर्थ-रेल-रेखयोः निर्माणम्, मियागाम-करजण-चोरन्दा-मलसार-रेलमार्गस्य आमान-परिवर्तनम् तथा विश्वामित्री-डभोई-रेलमार्गस्य द्विपथीकरण-परियोजना च सम्मिलिताः सन्ति। एताभिः परियोजनाभिः यात्रि-माल-परिवहन-क्षमता वर्धयितुं, रेलमार्गेषु भीडां न्यूनीकर्तुं तथा गुजरात-मध्यप्रदेशयोः मध्ये सम्पर्कं सुदृढं कर्तुं च सहायता भविष्यति।

प्रधानमन्त्री प्रायः एकसहस्र-सप्तशत-अशीतिकोटि-रूप्यकाणां व्ययेन निर्मीयमाणानां त्रयाणां राष्ट्रिय-राजमार्ग-परियोजनानां शिलान्यासं करिष्यति। एतेषु राष्ट्रिय-राजमार्ग-४८ इत्यस्य कामरेज-चलथान-खण्डस्य षड्पथीकरणम्, वडोदरा-सूरत-खण्डे तापी-नर्मदा-नद्योः उपरि प्रमुख-पुलैः सह अतिरिक्त-संरचनानां निर्माणम् तथा राष्ट्रिय-राजमार्ग-५३ इत्यस्य अभावा, मिंढोला तथा खजोड-सङ्गमस्थलेषु स्तर-विभक्त-संरचनानां निर्माणं च सम्मिलितम् अस्ति।

तदतिरिक्तं प्रधानमन्त्री राष्ट्रिय-राजमार्ग-४८ इत्यस्य वडोदरा-सूरत-खण्डे मार्ग-सुरक्षां सुदृढां कर्तुं तथा दुर्घटना-प्रवण-स्थलानां समस्यां निराकर्तुं कण्डारी-चतुष्पथे तथा लुवारा-पाटिया इत्यत्र षड्पथीय-उपरिसेत्वोः उद्घाटनं करिष्यति।

तदतिरिक्तं प्रधानमन्त्री गुजरात-सर्वकारस्य प्रायः द्विसहस्र-षट्शत-कोटि-रूप्यकाणां मूल्यवत्यः विभिन्नाः परियोजनाः शिलान्यासं उद्घाटनं च करिष्यति। एतेषु वडोदरा-नगरीय-विकास-प्राधिकरणस्य वलय-मार्गस्य द्वितीय-चरणम्, कडाणा-बन्धे एकशत-दश-मेगावाट्-क्षमतेयाः तैरन्ती-सौर-ऊर्जा-परियोजना तथा वडोदरा-नगर-निगमस्य नूतन-कार्यालय-भवनं च सम्मिलितानि सन्ति। प्रधानमन्त्रिणा प्रधानमन्त्री-आवास-योजनायाः अन्तर्गतं आवास-परियोजनानां तथा पूर्व-वडोदरायाः एकादशानां ग्रामाणां कृते जलापूर्ति-परियोजनायाः अपि उद्घाटनं क्रियते।

प्रधानमन्त्री सायं प्रायः पञ्चवादन-पञ्चचत्वारिंशत्-मिनिट्-काले मुम्बई-नगरे ग्लोबल-फिनटेक-फेस्ट्-द्विसहस्रषड्विंशतेः उद्घाटनं करिष्यति तथा सभां सम्बोधयिष्यति। विश्वस्य प्रमुखेषु प्रभावशालिषु च वार्षिकेषु वित्तीय-प्रौद्योगिकी-सम्मेलनेषु गण्यमानस्य ग्लोबल-फिनटेक-फेस्ट् इत्यस्य सप्तमं संस्करणं सितम्बर-मासस्य अष्टम-दिनाङ्कतः एकादश-दिनाङ्कपर्यन्तं मुम्बई-नगरे आयोज्यमानम् अस्ति।

द्विसहस्र-विंशति-वर्षात् ग्लोबल-फिनटेक-फेस्ट् नीति-निर्मातॄन्, नियामक-संस्थानां प्रतिनिधीन्, केन्द्रीय-बैंकानां प्रतिनिधीन्, वित्तीय-संस्थानां प्रतिनिधीन्, वित्तीय-प्रौद्योगिकी-कम्पनीः, प्रौद्योगिकीसंस्थाः, निवेशकान् तथा शिक्षाविदः इत्यादीन् वैश्विक-हितधारकान् एकस्मिन् मञ्चे आनेतुं अन्तर्राष्ट्रीय-विचार-विमर्शस्य मञ्चः अभवत्।

अस्य वर्षस्य सम्मेलनस्य विषयवस्तु अस्ति यत् “प्रभाव-सम्भावना—एजेण्टिक्-कृत्रिम-बुद्धिमत्ता, टोकनाइजेयशनं, क्वाण्टम-समावेशी-वित्ताय विश्वसनीय-सम्बद्ध-वैश्विक-व्यवस्था।” सम्मेलने एजेण्टिक्-कृत्रिम-बुद्धिमत्ता, प्रोग्रामेबल्-वित्तम्, टोकनाइजेयशनं तथा क्वाण्टम-प्रौद्योगिकी इत्यादीनां उद्भाव्यमानानां प्रौद्योगिकीनां माध्यमेन वैश्विकस्तरे विश्वसनीया, समावेशी प्रभावशालिनी च वित्तीय-व्यवस्था कथं विकसितुं शक्यते इति विषये चर्चा भविष्यति।

---------------

Hindusthan Samachar / Dheeraj Maithani