Enter your Email Address to subscribe to our newsletters
नवदिल्ली, 07 सितंबरमासः (हि.स.)।
राष्ट्रपतिना द्रौपदीमुर्मूवर्यया सोमवासरे राष्ट्रपतिभवने डूरण्डकप २०२६ इत्यस्य विजेतृदलाय ईस्टबङ्गालफुटबॉलक्लब इत्यस्मै प्रेसिडेन्ट्सकपविजयचषकः प्रदत्तः।
ईस्टबङ्गालदलेन अगस्तमासे आयोजितस्य १३५ तमस्य डूरण्डकपस्य अन्तिमस्पर्धायां चिरप्रतिद्वन्द्विनं मोहनबागानसुपरजायन्ट् दलं ४ १ इति अङ्कान्तरेण पराजित्य विजितम्। एतत् ईस्टबङ्गालदलस्य डूरण्डकपस्पर्धायां सप्तदशं विजितपदं आसीत्। अस्यां विजयेन ईस्टबङ्गालदलेन सर्वाधिकडूरण्डकपविजितपदानां विषये मोहनबागानदलेन सह समता प्राप्ता।
विवेकानन्दयुवभारतीक्रीडाङ्गणे आयोजितायां अन्तिमस्पर्धायां ईस्टबङ्गालदलस्य पक्षतः थ्लिबामबिपिनसिंहेन दशमे निमेषे गोलः कृतः। एडमण्डलालरिन्दिकया द्वादशे, द्वाविंशतितमे चतुश्चत्वारिंशत्तमे च निमेषे गोलाः कृताः। एडमण्डेन त्रिगोलप्रहारं कृत्वा हाट्ट्रिक् पूर्णा कृता। मोहनबागानदलस्य पक्षतः एकमात्रं गोलं मनवीरसिंहेन त्रयस्त्रिंशत्तमे निमेषे कृतम्।
राष्ट्रपतिभवनस्य अनुसारं राष्ट्रपतिना मुर्मूवर्यया डूरण्डकपस्पर्धा २०२६ इत्यस्य प्रेसिडेन्ट्सकपविजयचषकः विजेतृ ईस्टबङ्गालफुटबॉलक्लबदलाय प्रदत्तः। अस्मिन् अवसरे रक्षाप्रमुखः जनरल एन एस राजासुब्रमणि, डूरण्डफुटबॉलस्पर्धासमित्याः अध्यक्षः स्थलसेनाप्रमुखश्च जनरल धीरजसेठः, वायुसेनाप्रमुखः एयरचीफमार्शल ए पी सिंहः तथा नौसेनाप्रमुखः एडमिरल कृष्णस्वामिनाथनः सहितं समितेः पदाधिकारीणः ईस्टबङ्गालदलस्य क्रीडकाः च उपस्थिताः आसन्।
त्रयाणां सेनानां पक्षतः आयोजितः डूरण्डकपः विश्वस्य तृतीयः प्राचीनतमः जीवितः फुटबॉलक्रीडास्पर्धा अस्ति। १८८८ तमे वर्षे प्रारब्धः अयं क्रीडोत्सवः भारतस्य सर्वाधिकप्रतिष्ठितासु फुटबॉलस्पर्धासु अन्तर्भवति तथा स्थापितक्रीडकानां, उदयमानप्रतिभानां सेवासेनादलानां च प्रतिभाप्रदर्शनाय महत्त्वपूर्णं मञ्चं प्रददाति।
डूरण्डकपस्य १३५ तमे संस्करणे समग्रतः चतुर्विंशतिः दलानि सहभागितां कृतवन्ति। एतेषु श्रीलङ्कायाः सशस्त्रसेनानां प्रतिनिधित्वं कुर्वत् एकं विदेशीदलमपि सम्मिलितम् आसीत्। एतेन सह स्पर्धया भारतीयक्रीडादलानां, सेवासेनादलानां अन्तर्राष्ट्रीयदलानां च एकस्मिन् मञ्चे समागमनस्य स्वकीयां परम्परां निरन्तरं संरक्षिता।
---------------
Hindusthan Samachar / Dheeraj Maithani