जम्मूः, 07 सितंबरमासः (हि.स.)।

प्रेमावतारः तथा श्रीहरिकृपापीठाधीश्वरः स्वामी हरिचैतन्यपुरीमहाराजः पञ्चदशसितम्बरदिनाङ्के एकादशदिवसीयप्रवासाय जम्मूनगरं प्राप्स्यति। तस्य आगमने छन्नी-बाहुफोर्ट्-स्थलेषु भव्यस्वागतं करिष्यते। ततः सः बावेवालीमातामन्दिरे पूजाअर्चनां कृत्वा मानवकल्याणाय, शान्त्यै समृद्धये च प्रार्थनां करिष्यति।

प्रवासस्य अवधौ जम्मूनगरस्य अतिरिक्तं राजौरी, अखनूर तथा खौड़ इत्येतेषु स्थलेषु विभिन्नाः धार्मिकाः आध्यात्मिकाश्च कार्यक्रमाः आयोजयिष्यन्ते। सप्तदश-अष्टादशसितम्बरदिनाङ्कयोः दलहौड़ी-राजौरीस्थले, एकोनविंशतिसितम्बरदिनाङ्के अखनूरे तथा विंशतिसितम्बरदिनाङ्के चमकलाल-खौड़स्थले प्रवचनानि भविष्यन्ति।

जम्मूक्लब्-स्थले चतुर्विंशतिः पञ्चविंशतिः च सितम्बरदिनाङ्कयोः द्विदिवसीयः भव्यकार्यक्रमः आयोजयिष्यते।

श्रीहरिकृपासेवासमित्याः प्रधानः राजीवचाढकः अवदत् यत् कार्यक्रमाणां सिद्धताः उत्साहपूर्वकं प्रचलन्ति। तेन श्रद्धालून् अधिकाधिकसंख्यया कार्यक्रमेषु सम्मेलितुं आह्वानं कृतम्।

---------------

Hindusthan Samachar / Dheeraj Maithani