Enter your Email Address to subscribe to our newsletters
देहरादूनम्, 07 सितंबरमासः (हि.स.)। उत्तराखण्डस्य मुख्यमन्त्री पुष्करसिंहधामी सोमवासरे देहरादूननगरे ‘मुख्यमन्त्री युवाभविष्यनिर्माणयोजनायाः’ शुभारम्भं कृतवान्। योजनायाः अन्तर्गतं उत्तराखण्डस्य युवभ्यः विभिन्नानां प्रतियोगिपरीक्षाणां सिद्धतायै निःशुल्कं ऑनलाइन-प्रशिक्षणं गुणवत्तापूर्णं अध्ययनसामग्री च उपलब्धा करिष्यते।
योजनायाः उद्देश्यं प्रतियोगिपरीक्षाणां सिद्धतां कुर्वद्भ्यः युवभ्यः गृहे एव उत्तमाध्ययनसुविधां मार्गदर्शनं च उपलब्धं कर्तुम् अस्ति। अस्याः योजनायाः माध्यमेन युवानः स्वसुविधानुसारम् ऑनलाइनमाध्यमेन परीक्षाणां सिद्धतां कर्तुं शक्नुवन्ति।
योजनायाः अन्तर्गतं सङ्घलोकसेवायोगस्य, उत्तराखण्ड-अधीनस्थसेवाचयन-आयोगस्य, कर्मचारीचयन-आयोगस्य, बैंकिङ्गक्षेत्रस्य, रेलक्षेत्रस्य तथा रक्षाक्षेत्रस्य सीडीएस-परीक्षायाः च सहितं विभिन्नानां प्रतियोगिपरीक्षाणां सिद्धतायै ऑनलाइन-प्रशिक्षणस्य सुविधा उपलब्धा करिष्यते। तदतिरिक्तम् एटी, मैट, गेट, नेट तथा सीएसआईआर-नेट इत्यादीनां परीक्षाणां कृते अपि युवभ्यः आवश्यकं मार्गदर्शनं अध्ययनसामग्री च उपलब्धां कर्तुं व्यवस्था कृता अस्ति।
मुख्यमन्त्री धामी उक्तवान् यत् प्रदेशस्य युवसु प्रतिभायाः क्षमतायाश्च अभावः नास्ति। आवश्यकता तेषां कृते उचितावसराणां संसाधनानां च उपलब्धतायाः अस्ति। सर्वकारः युवभ्यः उत्तमान् अवसरान् प्रदातुं तेषां भविष्यं सुदृढं कर्तुं च दिशि निरन्तरं कार्यं करोति।
मुख्यमन्त्री धामी अवदत् यत् राजकीयेषु सहायताप्राप्तेषु च विद्यालयेषु महाविद्यालयेषु च अध्ययनं कुर्वन्तः छात्राः अस्याः योजनायाः पात्राः भविष्यन्ति। प्रथमचरणे एकादशसहस्रं युवभ्यः निःशुल्कं प्रशिक्षणं प्रदास्यते।
योजनायाः शुभारम्भेन प्रतियोगिपरीक्षाणां सिद्धतां कुर्वतां प्रदेशस्य युवानां कृते सर्वकारेण महत्त्वपूर्णा सौगात् प्रदत्ता अस्ति। अनेन युवभ्यः गृहे एव गुणवत्तापूर्णसिद्धतायाः अवसरः प्राप्स्यते, तेषां स्वप्नानां च नूतना उड्डयनशक्तिः प्राप्स्यते इति आशा अस्ति।
सर्वकारस्य अनुसारं योजनायाः उद्देश्यं आर्थिकसंसाधनानाम् अभावेन प्रतियोगिपरीक्षाणां सिद्धतायाः अवसरात् वञ्चितान् युवानः समानावसरैः योजयितुम् अस्ति। निःशुल्कस्य ऑनलाइन-प्रशिक्षणस्य माध्यमेन प्रदेशस्य दूरस्थेषु पर्वतीयक्षेत्रेषु निवसतां युवानाम् अपि विशेषज्ञमार्गदर्शनेन सह संयोजनस्य प्रयासः क्रियते।
------------------
Hindusthan Samachar / Dheeraj Maithani