नैनीतालम्, ०७ सेप्टेम्बरमासः (हि.स.)। कुमाऊँविश्वविद्यालयस्य, नैनीतालस्य, नवनियुक्तः तथा सोबनसिंहजीना-विश्वविद्यालयस्य, अल्मोड़ायाः, वर्तमानः कुलपतिः प्रो. सतपालबिष्टः शिक्षायाः उच्चशिक्षायाश्च क्षेत्रे उल्लेखनीययोगदानाय उत्कृष्टकार्येभ्यश्च गत ३१ अगस्तमासे २०२६ तमे वर्षे देहरादूने प्रतिष्ठितेन ‘भारतगौरवपुरस्कारेण २०२६’ सम्मानितः अभवत्। कथ्यते यत् प्रो. बिष्टः उत्तराखण्डे कुलपतिरूपेण ‘भारतगौरवपुरस्कारं’ प्राप्तवान् प्रथमः व्यक्तिः अभवत्।

कुमाऊँविश्वविद्यालयस्य कुलपतेः दायित्वं स्वीकृत्य अनन्तरं विश्वविद्यालयपरिवारे तस्य सम्मानस्य विषये विशेषः उत्साहः वर्तते। ‘भारतगौरवपुरस्कार’रूपेण प्राप्ता एषा उपलब्धिः तस्य शैक्षणिकं प्रशासनिकं च योगदानं महत्त्वपूर्णराष्ट्रीयसम्मानरूपेण रेखाङ्कयति। सम्मानप्राप्तेः अवसरे कुमाऊँविश्वविद्यालयस्य तथा सोबन-सिंहजीना-विश्वविद्यालयस्य शिक्षकाः, अधिकारिणः, कर्मचारिणः, शोधार्थिनः, विद्यार्थिनः, सहयोगिनः शुभचिन्तकाश्च प्रो. बिष्टं प्रति शुभकामनाः अर्पितवन्तः।

ते अवदन् यत् एषा उपलब्धिः उभयोः विश्वविद्यालययोः सह सम्पूर्णस्य उत्तराखण्डस्य कृते गौरवस्य विषयः अस्ति। ते प्रो. बिष्टस्य उज्ज्वलभविष्यस्य कामनां कुर्वन्तः अवदन् यत् तस्य उपलब्धयः युववंशं विद्यार्थिनश्च शिक्षायाः, अनु-सन्धानस्य उत्कृष्टतायाश्च दिशि अग्रे गन्तुं निरन्तरं प्रेरयिष्यन्ति।

Hindusthan Samachar / Divya Ranjan