— ईटानगरे विधानसभायाः विशेषसत्रे सहभागी भविष्यति

ईटानगरम्, ०७ सेप्टेम्बरमासः (हि.स.)। उपराष्ट्रपतिः सी.पी. राधाकृष्णन् पूर्वोत्तरभारतस्य चतुर्दिवसीयप्रवासस्य अन्तर्गतं ८ तथा ९ सेप्टेम्बर-दिनाङ्कयोः अरुणाचलप्रदेशस्य ईटानगरस्य प्रवासं करिष्यति।

ईटानगरस्य द्विदिवसीयप्रवासस्य समये उपराष्ट्रपतिः अरुणाचलप्रदेशविधान-सभायाः विशेषसत्रे सहभागी भविष्यति। तदतिरिक्तं सः विधानसभायाः वीथिकायाः सङ्ग्रहालयस्य च अवलोकनं करिष्यति।

उपराष्ट्रपतिः ईटानगरस्थितस्य न्येदार-नामलो-मन्दिरस्य, जवाहरलालनेहरू-राज्यसङ्ग्रहालयस्य, चिम्पूस्थितस्य श्रवणदृष्टिबाधितजनानां कृते सञ्चालितस्य डोनी-पोलो-मिशन-विद्यालयस्य च भ्रमणं करिष्यति।

उपराष्ट्रपतेः स्वागताय राजधानीक्षेत्रे सर्वाः सज्जताः पूर्णाः कृताः सन्ति। मार्गाणाम् अनुरक्षणं, सौन्दर्यीकरणं तथा अन्येषां नागरिकसुविधानां सम्बद्धानि कार्याणि अपि प्रचलन्ति।

Hindusthan Samachar / Divya Ranjan