देहरादूनम्, 07 सितंबरमासः (हि.स.)।

स्वातन्त्रतासेनानी उत्तराधिकारीपरिवारसमितेः हरिद्वारस्य राष्ट्रियमहासचिवस्य जितेन्द्ररघुवंश्याः नेतृत्वे प्रतिनिधिमण्डलेन सोमवासरे मुख्यमन्त्रीपुष्करसिंहधामिना मुख्यमन्त्रिनिवासे शिष्टाचारभेटः कृता। प्रतिनिधिमण्डलेन मुख्यमन्त्रीं स्वातन्त्रतासेनानिभिः तेषाम् आश्रितपरिवारैश्च सम्बद्धान् विविधविषयान् अवगतं कारितम्।

मुख्यमन्त्री धामी उक्तवान् यत् स्वातन्त्रतासेनानिनः देशस्य स्वातन्त्र्यार्थं स्वसर्वस्वं समर्पितवन्तः राष्ट्रस्य महानायकाः सन्ति। तेषां त्यागस्य, संघर्षस्य बलिदानस्य च कारणादेव देशवासिनः अद्य स्वतन्त्रभारते स्वातन्त्र्येन लोकतान्त्रिकमूल्यैश्च सह जीवनं यापयन्ति। तेन उक्तं यत् स्वातन्त्रतासेनानिभ्यः तेषां परिवारजनेभ्यश्च सम्मानं कृतज्ञतां च प्रकटयितुं प्रत्येकस्य नागरिकस्य दायित्वम् अस्ति।

मुख्यमन्त्री उक्तवान् यत् राज्यसर्वकारः स्वातन्त्रतासेनानिनां तेषां परिवाराणां च सम्मानाय कल्याणाय च निरन्तरं कार्यं करोति। सर्वकारस्य पक्षतः स्वातन्त्रतासेनानीसम्मानपेंशनस्य व्यवस्था अस्ति तथा च तेषाम् आश्रितपरिवाराणां हितानामपि ध्यानं क्रियते। स्वातन्त्रतासेनानिनां स्मृतीनां तेषां योगदानस्य च भाविपीढीपर्यन्तं सम्प्रेषणाय तेषां नाम्ना स्मारकाणां अन्यासां सम्मानजनकपहलानां च प्रोत्साहनमपि क्रियते।

तेन उक्तं यत् उत्तराखण्डस्य वीरभूमिना देशस्य स्वातन्त्र्यान्दोलने महत्त्वपूर्णं योगदानं प्रदत्तम् अस्ति। प्रदेशस्य अनेके स्वातन्त्रतासेनानिनः राष्ट्रस्य स्वातन्त्र्यार्थं महत्त्वपूर्णां भूमिकां निर्वहितवन्तः। राज्यसर्वकारस्य प्रयासः अस्ति यत् स्वातन्त्र्यसङ्ग्रामसेनानिनां योगदानं इतिहासे जनमानसे च सदैव जीवितं संरक्षितं च तिष्ठेत्।

मुख्यमन्त्रिणा प्रतिनिधिमण्डलं प्रत्याश्वासितं यत् स्वातन्त्रतासेनानिभिः तेषाम् उत्तराधिकारीपरिवारैश्च सम्बद्धानां न्याय्यविषयाणां नियमानुसारं प्राथमिकतया परीक्षणं कृत्वा आवश्यककार्यवाही करिष्यते। तेन सम्बन्धितेभ्यः अधिकारिभ्यः प्राप्तप्रकरणानां परीक्षणं कृत्वा नियमानुसारं समुचितसमाधानं सुनिश्चितं कर्तुं निर्देशाः दत्ताः।

प्रतिनिधिमण्डलेन स्वातन्त्रतासेनानीपरिवाराणां सम्मानाय हिताय च राज्यसर्वकारेण क्रियमाणानां प्रयासानां कृते मुख्यमन्त्रिणः आभारः प्रकटितः।

अस्मिन् अवसरे सुरेशचन्द्रसुयालः, अनुरागसिंहगौतमः, आदित्यसिंहः सहिताः स्वातन्त्रतासेनानीपरिवाराणां अन्ये सदस्याः उपस्थिताः आसन्।

Hindusthan Samachar / Dheeraj Maithani