Enter your Email Address to subscribe to our newsletters
कोलकाता, 7 सितंबरमासः (हि.स.)। पश्चिमबङ्गालसर्वकारेण वरिष्ठनागरिकेभ्यः, दिव्याङ्गेभ्यः विधवेभ्यश्च वर्धितदरानुसारं सामाजिकसुरक्षाभत्तं प्रदातुं प्रक्रिया प्रारब्धा अस्ति। एतेषां वर्गाणां मासिकभत्तं सहस्ररूप्यकात् वर्धयित्वा सार्धसहस्ररूप्यकं कृतम् अस्ति।
मुख्यमन्त्री शुभेन्दुअधिकारी सोमवासरे राज्यसचिवालये नवन्ने राष्ट्रियसामाजिकसहायताकार्यक्रमस्य अन्तर्गतं वर्धितपेंशनवितरणकार्यक्रमस्य शुभारम्भं कृतवान्। महिलाबालविकाससमाजकल्याणविभागस्य प्रयत्नेन आयोजिते कार्यक्रमे मुख्यमन्त्रिणा कतिपयेषु वरिष्ठनागरिकेषु, विधवाभ्यः दिव्याङ्गलाभार्थिभ्यश्च वर्धितराशेः लाभं प्रदाय योजनायाः औपचारिकः शुभारम्भः कृतः।
अस्मिन् अवसरे मुख्यमन्त्री उक्तवान् यत् पूर्वसर्वकारस्य कारणेन पश्चिमबङ्गालस्य आर्थिकस्थितिः सम्यक् नास्ति, तथापि तस्य सर्वकारेण स्वकीयं वचनं पूर्णं कृतम् अस्ति। तेन स्पष्टं कृतं यत् पेंशनयोजनायाः लाभः केवलं पात्रेभ्यः जनेभ्यः एव प्रदास्यते तथा कस्यापि अपात्रव्यक्तेः भत्तं न प्रदास्यते।
मुख्यमन्त्री उक्तवान् यत् लाभार्थिनां पात्रतायाः परीक्षणं सुनिश्चितं करिष्यते, येन सर्वकारीयसहायतायाः लाभः योग्येभ्यः जनेभ्यः एव प्राप्नुयात्। सर्वकारस्य अस्मात् निर्णयात् राज्यस्य वरिष्ठनागरिकेभ्यः, विधवेभ्यः दिव्याङ्गजनेभ्यश्च आर्थिकसहायता प्राप्तुं आशा वर्तते।
Hindusthan Samachar / Dheeraj Maithani