दिवङ्गतायाः दिग्गजगायिकायाः आशाभोसले इत्यस्याः त्रिनवतितमे जन्मजयन्त्यवसरे तस्याः अन्तिमं चलचित्रगीतं ‘ऐ मेरी जिन्दगी’ प्रकाशितम् अस्ति। एतत् गीतं शुमनझा तथा रघुबीरयादवयोः अभिनययुक्तस्य ‘ओम का हरि’ इति चलचित्रस्य भागः अस्ति। आशाभोसले इत्यस्याः एतस्य गीतस्य ध्वनिमुद्रणं २०२३ तमस्य वर्षस्य अन्ते कृतम् आसीत्। गीतस्य दृश्यचित्रे ध्वनिमुद्रणसमये गृहीतानां कतिपयानां झलकानामपि प्रदर्शनं कृतम् अस्ति, येन एतत् गीतम् अधिकं विशेषं जातम्।

‘ऐ मेरी जिन्दगी’ इति गीतस्य सङ्गीतं राजीवसारङ्गेन संयोजितम् अस्ति, यदा तु अस्य गीतस्य शब्दाः प्रदीपशर्माखुसरो इत्यनेन लिखिताः सन्ति। दृश्यचित्रे आशाभोसले स्वयमेव गीतसम्बद्धान् अनुभवान् कथयन्ती दृश्यन्ते। सा कथयति यत् यदा ‘ओम का हरि’ इति चलचित्रस्य निर्मातारः तस्यै अस्मिन् गीतं स्वकीयस्वरेण गातुं अवसरं प्रदत्तवन्तः, तदा सा अधिकप्रश्नान् अकृत्वैव एतत् गीतं गातुं निर्णयं कृतवती।

आशाभोसले इत्यस्याः स्वरः भारतीयचलचित्रस्य इतिहासस्य महत्त्वपूर्णः भागः अभवत्। अतः तस्याः एतत् अन्तिमं चलचित्रगीतं प्रशंसकेभ्यः भावनात्मकरूपेण अत्यन्तं विशेषं जातम्। गीतस्य प्रकाशनानन्तरं प्रशंसकाः एतत् आशाताई इत्यस्यै श्रद्धाञ्जलिरूपेण पश्यन्ति। तस्याः जन्मजयन्त्यवसरे प्रकाशितमिदं गीतं पुनरेकवारं तस्याः मधुरस्वरस्य स्मृतीः साकारीकरोति।

Hindusthan Samachar / Dheeraj Maithani