नव दिल्ली, 08 सितंबरमासः (हि.स.)।

दिल्लीविश्वविद्यालयस्य हिन्दीविभागेन मङ्गलवासरे कलासङ्कायस्थिते वन्देमातरम् सभागारे “विकसितभारतः हिन्दीभाषा च साहित्यं” इति विषये एकदिवसीयपरिचर्चायाः आयोजनं कृतम्। अस्मिन् कार्यक्रमे दिल्लीविश्वविद्यालयस्य कुलपतिः प्रो. योगेशसिंहः मुख्यातिथिरूपेण उपस्थितः आसीत्।

कार्यक्रमं सम्बोधयन् कुलपतिः प्रो. योगेशसिंहः अवदत् यत् भाषायाः शक्तिः तस्याः वक्तॄणां शक्तिः भवति। सः अवदत् यत् केवलं व्याकरणं कस्याश्चित् भाषायाः शक्तिशालित्वं न जनयति।

कुलपतिना हिन्दीभाषां सहजां सरलां च तथा सर्वासां भाषाणां शब्दान् स्वीकरणशीलाṃ कर्तुं बलं दत्तम्। सः अवदत् यत् देशस्य उन्नतिः हिन्दीभाषायाः उन्नत्या सह सम्बद्धा अस्ति। प्रो. योगेशसिंहेन आह्वानं कृतं यत् अस्माभिः द्वाविंशतितमं शताब्दीम् उद्दिश्य लेखनं करणीयम्।

अस्मिन् अवसरे विशिष्टातिथिरूपेण प्रो. बलरामपाणिः, प्रो. रजनीअब्बी तथा विभागाध्यक्षा प्रो. सुधासिंहः, सुप्रसिद्धा साहित्यकारा ममताकालिया, डॉ. राजेन्द्रप्रसादमिश्रः च उपस्थिताः आसन्।

कार्यक्रमस्य प्रारम्भे विभागाध्यक्षा प्रो. सुधासिंहः विषयपरिचयं प्रस्तूय हिन्दीभाषायाः भविष्यस्य, प्रौद्योगिक्याः भाषायाश्च सम्बन्धस्य तथा शास्त्रीयभाषायाः महत्त्वस्य विषये प्रकाशं न्यवेदयत्। सा अवदत् यत् भाषा रक्षिता चेत् समाजः सभ्यता च अपि रक्षिता भविष्यतः तथा भाषायाः जनसामान्येन सह सम्बद्धता जनचेतनायाः विकासाय आवश्यकी अस्ति।

अस्मिन् अवसरे साहित्यकारा ममताकालिया साहित्यस्य कथायाश्च महत्त्वे स्वविचारान् प्रस्तुतवती। सा अवदत् यत् यथा वयं वर्धामहे तथा वयं उपन्यासरूपं धारयामः। सा खड्गापेक्षया लेखन्याः अधिकशक्तिं प्रतिपादयन्ती कथां मस्तिष्कं जागरयितुं प्रेरणादायिनं माध्यमम् इति अवर्णयत्।

डॉ. राजेन्द्रप्रसादमिश्रेण भाषां “प्रवहमानं नीरम्” इति वर्णयन् उक्तं यत् भाषां निवारयितुं न शक्यते। तेन भाषा-संस्कृत्योः गाढसम्बन्धस्य तथा अनुवादस्य महत्त्वस्य विषये प्रकाशः प्रसारितः। सः स्वकीयाभिः कविताभिः अपि स्वविचारान् प्रस्तुतवान्।

---------------

Hindusthan Samachar / Dheeraj Maithani