- मुख्यमन्त्री डॉ. यादवः एआईएम-काङ्ग्रेसदलस्य-२०२६ तृतीयदिने निवेशकैः उद्यमिभिश्च सह एकैकशः मेलनं कृतवान्

भोपालम्, ०८ सितम्बरमासः (हि.स.)। मध्यप्रदेशस्य मुख्यमन्त्री डॉ. मोहन यादवः अवदत् यत् मध्यप्रदेशे ऊर्जाक्षेत्रे, आधारभूतसंरचनाक्षेत्रे, रसदव्यवस्थाक्षेत्रे तथा नगरीयविकासक्षेत्रे निवेशस्य अपाराः सम्भावनाः सन्ति। मध्यप्रदेशः देशस्य मध्यभागे स्थितः अस्ति तथा अत्र मार्गसम्पर्कः, रेलसम्पर्कः, विमानसम्पर्कश्च देशस्य सर्वेभ्यः स्थानेभ्यः सुगमः अस्ति।

मुख्यमन्त्री डॉ. यादवः अवदत् यत् देशस्य कस्यापि कोणात् मध्यप्रदेशात् स्वोत्पादानां प्रेषणं सरलम् शीघ्रं च अस्ति। प्रदेशे उपलब्धायाः उत्तमायाः औद्योगिकाधारभूतसंरचनायाः, पर्याप्तस्य ऊर्जायाः तथा कुशलमानवशक्तेः कारणात् मध्यप्रदेशः औद्योगिकविकासस्य दृष्ट्या सर्वविधसम्भावनासम्पन्नः प्रदेशः अस्ति। सः अवदत् यत् उत्तमया रसदव्यवस्थया प्रदेशस्य उत्पादानां वैश्विकविपणिभिः सह संयोजने साहाय्यं भविष्यति।

मुख्यमन्त्री डॉ. यादवः दुबईनगरे आयोजितस्य ‘एआईएम-काङ्ग्रेस्-२०२६’ इत्यस्य तृतीयदिने मङ्गलवासरे संयुक्त अरब अमीरातस्य प्रमुखैः निवेशकैः उद्यमिभिश्च सह एकैकशः बैठकां कुर्वन् आसीत्। अस्मिन् क्रमे मुख्यमन्त्रिणा संयुक्त अरब अमीरातस्य व्यवसाय-लोकोपकारार्थं विशेषदूतः तथा क्रेसण्ट् एण्टरप्राइजेज्-संस्थायाः मुख्यकार्यकारी-अधिकारी बद्र जाफरः, डीपी वर्ल्ड-संस्थायाः मुख्यकार्यकारी-अधिकारी रिजवान् सूमारः, राणा होल्डिङ्ग्स् लिमिटेड्-संस्थायाः अध्यक्षः प्रबन्धनिदेशकश्च डॉ. दर्शनसिंह राणा, जेम्स् एजुकेशन कम्पनी-संस्थायाः अध्यक्षः संस्थापकश्च सनी वर्की, ब्यूमर्क् कॉर्पोरेशन लिमिटेड्-संस्थायाः कार्यकारी-अध्यक्षः मुख्यकार्यकारी-अधिकारी च सिद्धार्थ बालाचन्द्रन्, शराफ् ग्रुप्-संस्थायाः अध्यक्षः मुख्यकार्यकारी-अधिकारी च श्याम कपूरः, वीएफएस् ग्लोबल्-संस्थायाः वैश्विकप्रमुखः अमित साइचरः तथा सुपरमार्केट्, वितरण-विनिर्माणक्षेत्रयोः प्रमुखः बहुराष्ट्रीयसमूहः ‘चोइथराम्’ इत्यस्य अध्यक्षः एल. टी. पगरानी च सह विस्तृतचर्चा कृता। मुख्यमन्त्रिणा उद्योगसमूहानां प्रतिनिधिभ्यः आगामीवर्षे आयोज्यमानस्य ग्लोबल् इन्वेस्टर्स् समिट्-२०२७ इत्यस्य आमन्त्रणमपि प्रदत्तम्।

तकनीकाधारितोद्यमशीलतां स्टार्टअप्-क्षेत्रं च राज्यसर्वकारः प्रोत्साहयति

मुख्यमन्त्री डॉ. यादवः चर्चायाः समये क्रेसण्ट् एण्टरप्राइजेज्-संस्थायाः मुख्यकार्यकारी-अधिकारी बद्र जाफरं प्रदेशस्य प्रमुखेषु उत्पादनसमूहेषु भाण्डागारव्यवस्थायाः, रसदव्यवस्थायाः इत्यादिक्षेत्रेषु उपलब्धाभिः सम्भावनाभिः अवगतवान्। सः अवदत् यत् तकनीकाधारितोद्यमशीलतायाः स्टार्टअप्-क्षेत्रे च निवेशं राज्यसर्वकारः निरन्तरं प्रोत्साहयति। जाफरः नगरीयाधारभूतसंरचनाविकासे, सूचनाप्रौद्योगिक्यां, संसाधनानां प्रभावीप्रयोगे, तकनीक-हस्तान्तरणक्षेत्रे च दीर्घकालिकनिवेशस्य विषये रुचिं प्रकटितवान्। मुख्यमन्त्री डॉ. यादवस्य जाफरस्य च मध्ये मध्यप्रदेशे ऊर्जायाः प्रौद्योगिक्याश्च क्षेत्रयोः नवाचारस्य विषये विशेषरूपेण चर्चा अभवत्।

मुख्यमन्त्री डॉ. यादवाय जाफरेण सूचितं यत् क्रेसण्ट्-समूहः ऊर्जायां, रसदव्यवस्थायां, आधारभूतसंरचनायां तथा दीर्घकालिकनिवेशे रुचिं धारयन् बहुआयामीव्यापारिकसमूहः अस्ति। पेट्रोलियम् उद्यमशीलता च क्रेसण्ट्-समूहस्य प्रमुखकार्य क्षेत्रे स्तः। कम्पन्याः मुख्यालयः शारजाहनगरे अस्ति।

पोवारखेड़ा अन्तरदेशीय-रसदव्यवस्थायाः प्रमुखप्रवेशद्वाररूपेण विकसितं भविष्यति

मुख्यमन्त्रिणा डीपी वर्ल्ड-संस्थायाः मुख्यकार्यकारी-अधिकारी रिजवान् सूमारेण सह चर्चायां रसदव्यवस्था, आपूर्तिशृङ्खला इत्यादीनां अनेकानां विषयाणां विषये वार्ता कृता। उल्लेखनीयं यत् डीपी वर्ल्ड-संस्थायाः इकाइयः मध्यप्रदेशे पूर्वमेव सञ्चालिताः सन्ति तथा सा प्रदेशे स्वगतिविधीनां विस्तारम् इच्छति। संस्थायाः मुख्यकार्यकारी-अधिकारी सूमारेण अवगतं कारितं यत् डीपी वर्ल्ड कम्पनी सम्पूर्ण-आपूर्तिशृङ्खलायाः व्यापारसमाधानानां च एकीकृतवैश्विकप्रदाता अस्ति। एषा दुबईसर्वकारस्य शतप्रतिशतस्वामित्वयुक्ता कम्पनी अस्ति। कम्पनी भारतसहितेषु अशीतिदेशेषु कार्यं करोति।

सः अवदत् यत् पोवारखेड़ा-रसदसमग्रकेन्द्रं अन्तरदेशीय-रसदव्यवस्थायाः प्रमुखप्रवेशद्वाररूपेण विकसितुं शक्यते। प्रमुखान् औद्योगिकान् कृषिसमूहान् च सेवां प्रदास्यन्ती बहुविधमाध्यमयुक्ता रसदव्यवस्था, भाण्डागारव्यवस्था, शीतशृङ्खलासुविधाश्च व्यापार-व्यवसायगतिविधीनां प्रोत्साहनं करिष्यन्ति। कुशलया रेलाधारितया मालवाहनव्यवस्थया रसदव्ययस्य परिवहनसमयस्य च न्यूनीकरणं कृत्वा कृषकेभ्यः, कृषक-उत्पादकसङ्घेभ्यः, सूक्ष्मलघुमध्यमोद्यमेभ्यः उद्योगेभ्यश्च मालसमेकनं, मूल्यवर्धनं तथा निर्यातसहायता प्रदातुं प्रदेशस्य उत्पादानां वैश्विकविपणिभिः सह संयोजनं कर्तुं शक्यते। अनेन स्थानीयस्तरे रोजगारस्य अवसराः अपि वर्धिष्यन्ते।

मुख्यमन्त्री राणा होल्डिङ्ग्स् लिमिटेड्-संस्थायाः अध्यक्षेन प्रबन्धनिदेशकेन च डॉ. दर्शनसिंह राणेन सह मिलितवान्। उभयोः मध्ये मध्यप्रदेशे निवेशस्य सम्भावनानां विषये चर्चा अभवत्। बैठके स्मार्ट-विनिर्माणम्, डाटा-केन्द्राणि, हरित-ऊर्जा, हरित-हाइड्रोजनम्, ई-मोबिलिटी तथा कृषियन्त्राणि इत्येतेषु केन्द्रितं कृतम्।

प्रदेशस्य प्रमुखेषु नगरेषु अन्तरराष्ट्रीयस्तरस्य के-१२ विद्यालयपरिसराः स्थापिताः भविष्यन्ति

मुख्यमन्त्रिणा जेम्स् एजुकेशन कम्पनी-संस्थायाः अध्यक्षेन संस्थापकेन च सनी वर्की इत्यनेन सह मिलित्वा तस्मै प्रदेशस्य शिक्षाक्षेत्रे नवाचारान् तथा प्रदेशे निवेशस्य सम्भावनाश्च अवगताः कारिताः। उल्लेखनीयं यत् जेम्स् एजुकेशन कम्पनी विद्यालयशिक्षा, शैक्षिकप्रबन्धनम् तथा शिक्षाप्रौद्योगिकीक्षेत्रे कार्यं करोति। जेम्स् एजुकेशन कम्पनी मध्यप्रदेशस्य प्रमुखेषु विकासशीलनगरेषु च अन्तरराष्ट्रीयस्तरस्य के-१२ विद्यालयपरिसरान् स्थापयितुं रुचिं प्रकटितवती। एतेषु विद्यालयेषु विद्यार्थिनां कौशलविकासाय प्रशिक्षणमपि प्रदास्यते। कम्पनी स्थानीयावश्यकतानां भविष्यस्य च शिक्षणावश्यकतानुसारं राष्ट्रियम् अन्तरराष्ट्रीयं च पाठ्यक्रमं कार्यान्वयिष्यति।

मुख्यमन्त्री डॉ. यादवाय सनी वर्की इत्यनेन सूचितं यत् तस्य कम्पनी वर्ष २००० तमे वर्षे स्थापिता। कम्पनी मध्यपूर्वे, एशियायां, यूरोपे तथा उत्तर-अमेरिकायां कार्यं करोति। गुणवत्तापूर्णशिक्षा, शिक्षकसशक्तीकरणम् तथा शिक्षाक्षेत्रे नवाचारः कम्पनीस्य प्रमुखं केन्द्रम् अस्ति। अस्याः मुख्यालयः दुबईनगरे अस्ति।

मुख्यमन्त्री ब्यूमर्क् कॉर्पोरेशन लिमिटेड्-संस्थायाः कार्यकारी-अध्यक्षेन मुख्यकार्यकारी-अधिकारीणां च सिद्धार्थ बालाचन्द्रेण सह एकैकशः बैठकां कृतवान्। बालाचन्द्रेण आधारभूतसंरचना, स्वास्थ्यसेवा, प्रौद्योगिकी, हरित-ऊर्जा इत्यादिषु अनेकक्षेत्रेषु निवेशस्य इच्छां प्रकटितवान्।

शराफ् ग्रुप् मध्यप्रदेशे संचालनं प्रतिष्ठानं च स्थापयितुं इच्छुकः

मुख्यमन्त्री शराफ् ग्रुप्-संस्थायाः अध्यक्षेन मुख्यकार्यकारी-अधिकारीणा च श्याम कपूर् इत्यनेन सह मिलितवान्। उभयोः मध्ये नौवहन-रसदव्यवस्था, आपूर्तिशृङ्खला इत्यादीनां महत्त्वपूर्णविषयाणां विषये चर्चा अभवत्। बैठके मध्यप्रदेशे रेलपार्श्वयुक्तं रसदपार्कं स्थापयितुं प्रस्तावस्य विषये चर्चा कृता। अस्य कृते प्रायः त्रिंशत्-तः पञ्चाशत्-मिलियन-अमेरिकी-डॉलर्-परिमितस्य निवेशस्य प्रस्तावः अस्ति। अस्य परियोजनया प्रायः त्रिशत-तः षट्शतं जनानां कृते रोजगारस्य अवसराः सृजितुं सम्भावना अस्ति। कम्पनी इन्दौर-पीथमपुरक्षेत्रयोः निवेशं कर्तुम् इच्छति।

बैठके बहुविधमाध्यमयुक्त-रसदपार्कस्य, आधुनिकभाण्डागारव्यवस्थायाः तथा क्षेत्रीयवितरणकेन्द्राणां विकासस्य विषये चर्चा कृता। कम्पनीस्य अध्यक्षः कपूरः बैठके अवदत् यत् कम्पनी भारतदेशे स्वस्य भारतीयसहायककम्पन्या हिन्द् टर्मिनल्स् प्राइवेट् लिमिटेड् इत्यनया माध्यमेन विद्यमाना अस्ति। सा अन्तरदेशीय-कण्टेनर-डिपो-सञ्चालनस्य साथमेव ताजानां कृषिउत्पादानां संरक्षणाय शीतशृङ्खलासमाधानानि अपि प्रददाति। कम्पनी भारते पञ्चत्रिंशत् मालवाहकरेलयानानि प्रायः नवशतानि च ट्रक्-यानानि सञ्चालयति। कम्पनी मध्यप्रदेशे स्वसञ्चालनं प्रतिष्ठानं च स्थापयितुं विशेषरूपेण इच्छुका अस्ति।

मुख्यमन्त्रिणा वीएफएस् ग्लोबल्-संस्थायाः वैश्विकप्रमुखेन अमित साइचर् इत्यनेन सह सौहार्दपूर्णा परिणामोन्मुखी च बैठकं कृता। बैठके राज्ये निवेशः, रोजगारः, वीजार्सेवासु सुलभता, पर्यटनम् तथा युवानां कौशलविकासः इत्यादीनां विषयाणां विषये विस्तृतविचारविमर्शः अभवत्। मुख्यमन्त्री डॉ. यादवः वीएफएस् ग्लोबल्-संस्थां भोपाल-इन्दौरयोः वीजानिवेदनसेवानां विस्ताराय तथा क्षेत्रीयप्राप्तेः अधिकसुदृढीकरणाय प्रोत्साहितवान्। मुख्यमन्त्रिणा प्रदेशस्य युवानां रोजगारयोग्यतावर्धने विशेषं बलं प्रदत्तम्। चर्चायाः समये स्थानीययुवानां कृते उद्योगाभिमुखयात्रा, पर्यटनम् तथा आतिथ्यप्रशिक्षणकार्यक्रमानाम् आरम्भस्य विषये विचारः कृतः।

मुख्यमन्त्री डॉ. यादवः सुपरमार्केट्, वितरण-विनिर्माणक्षेत्रयोः प्रमुखबहुराष्ट्रीयसमूहस्य ‘चोइथराम्’ इत्यस्य अध्यक्षेन एल. टी. पगरानी इत्यनेन सह प्रदेशस्य निवेशनीतीनां व्यापारिकसम्भावनानां च विषये विस्तृतचर्चां कृतवान्। दुबईमुख्यालययुक्तः चोइथराम्-समूहः वर्ष १९४३ तमात् वर्षात् कार्यरतः प्रतिष्ठितः अन्तरराष्ट्रीयसमूहः अस्ति। यूरोपे, उत्तर-अमेरिकायां तथा अफ्रीकायां सुदृढोपस्थितियुक्तः अयं समूहः खुदराविक्रये, खाद्यसेवायां, रसदव्यवस्थायां तथा ब्राण्ड-वितरणे विशेषज्ञतां धारयति।

बैठकायां राज्ये आधुनिकव्यापारिकाधारभूतसंरचनायाः विकासस्य विषये सहमतिः अभवत्। समूहः प्रदेशस्य प्रमुखेषु नगरेषु सुपरमार्केट् तथा आधुनिककिराणाविक्रयप्रारूपाणां स्थापनाम् इच्छति। औद्योगिकसाझेदारीस्य अन्तर्गतं समूहः मध्यप्रदेशस्य स्थानीयोत्पादकेभ्यः कृषकेभ्यश्च प्रत्यक्षरूपेण कृष्युत्पादान् प्रसंस्कृतखाद्यपदार्थांश्च क्रेष्यति। स्थानीयकच्चामालस्य उपयोगेन राज्ये खाद्यप्रसंस्करणस्य, पैकेजिङ्गस्य तथा निजी-लेबल्-विनिर्माणस्य गतिः वर्धिष्यते।

Hindusthan Samachar / Dheeraj Maithani