Enter your Email Address to subscribe to our newsletters
शारजाह-वाणिज्य-मण्डलस्य, बीआह-संस्थायाः, इमार-संस्थायाश्च शीर्षप्रतिनिधिभिः सह करिष्यति मेलनम्
भोपालम्, ०८ सेप्टेम्बरमासः (हि.स.)। मध्यप्रदेशस्य मुख्यमन्त्री डॉ. मोहनयादवः दुबईप्रवासस्य तृतीये दिने मङ्गलवासरे प्रदेशे निवेशम् आकर्षयितुं महत्त्वपूर्णासु सभासु संवादसत्रेषु च सहभागितां करिष्यति।
जनसम्पर्काधिकारिणी बबिता मिश्रा इत्यनुसारं मुख्यमन्त्री मङ्गलवासरे दुबईनगरे संयुक्तारब-अमीरातस्य प्रमुखैः निवेशकैः उद्यमिभिश्च सह एकैकशः मेलनानि कृत्वा मध्यप्रदेशे निवेशस्य सम्भावनाः, उपलब्धाः औद्योगिकसुविधाः निवेशानुकूलाः नीतयश्च विषये चर्चां करिष्यति। एतेषु राणा होल्डिङ्ग्स, जेम्स एज्युकेशन, क्रेसेंट् ग्रुप्, प्योर हेल्थ, शराफ ग्रुप, चोइथराम्स्, डीपी वर्ल्ड्, ब्यूमर्क् कॉरपोरेशन, वेस्ट् ज़ोन, केजीके ग्रुप्, विस्टास मीडिया कैपिटल तथा वीएफएस ग्लोबल इत्येतेषां प्रमुखप्रतिनिधयः सम्मिलिताः भविष्यन्ति।
सा अवदत् यत् मुख्यमन्त्री डॉ. यादवः शारजाह-वाणिज्य-उद्योग-मण्डलस्य अध्यक्षेन अब्दुल्ला सुल्तान अल् ओवैसेन सह सभां करिष्यति। ततः मण्डलस्य तथा आईबीपीसी शारजाहस्य प्रतिनिधिभिः सह गोलमेज-सम्मेलने संवादं कुर्वन् मध्यप्रदेशस्य निवेशसम्भावनाः प्रस्तोष्यति तथा ‘इन्वेस्ट् मध्यप्रदेश ग्लोबल इन्वेस्टर्स समिट्-२०२७’ इत्यस्य कृते आमन्त्रणं प्रदास्यति।
जनसम्पर्काधिकारिण्याः अनुसारं मुख्यमन्त्री डॉ. यादवः बीआह्-समूहस्य मुख्यकार्यकारी-अधिकारेण तथा इमार्-समूहस्य मुख्यकार्यकारी-अधिकारेण सह अपि मेलनं करिष्यति। एतासु सभासु पर्यावरणप्रबन्धनस्य, नगरीयविकासस्य, अचलसम्पत्तेः तथा आधारभूतसंरचनायाः क्षेत्रेषु मध्यप्रदेशे निवेशस्य सम्भावनानां विषये चर्चा भविष्यति तथा ग्लोबल इन्वेस्टर्स समिट्-२०२७ इत्यस्य कृते आमन्त्रणं प्रदास्यते।
मुख्यमन्त्री डॉ. यादवः माध्यमप्रतिनिधिभिः सह संवादमपि करिष्यति। ‘इन्वेस्ट् इन मध्यप्रदेश : संवादसत्रे’ संयुक्तारब-अमीरातस्य प्रमुखैः निवेशकैः उद्योगजगतः प्रतिनिधिभिश्च सह प्रत्यक्षं संवादं कृत्वा मध्यप्रदेशस्य निवेशसम्भावनाः प्रस्तुतं करिष्यति।
Hindusthan Samachar / Divya Ranjan